Popular Bible Verses from THUHRILTU 4

Share

Pakhat nêk chun pahni chu an ṭha lem a, an sininrimnaa chun lâwmman ṭhatak an hmu leiin. An tlu chun, a pakhat chun a ruolpa chu a keitho ding a ni sih a; makhâta um ruok chu a chung a rik, a tlûk lai khawma ama keithotu ding khawm nei lo chu.

Mi makhâta um chu hne el thei ni sien khawm, pahni chun lo dodâl thei an tih. Hruol zai thum neia siem chu awlrawnga suktan a ni ngai nawh.

Chunawa khawm mi pahni zâl hmunkhat chu an insuklum a; pakhat chau ruok chu iengtin am insuklum a ta?

Lungril rimsikna le sinrimnaa kut sip hni nêkin, dei zawta kut sip khat chu a ṭha lem.

Chun, mi chu a tuolbâwmin a thîkna hlak san, sinthaw hlawtling le sininrimna tinrênghai po po chu ka hmuh a. Hi khawm hi teplo el, lungril rimsikna el a nih.

Lal tar invêt, thurâwn khawm pawm nachâng hre ta lo nêk chun tleirâwl var le rimsi khawm chu a ṭha lem