Popular Bible Verses from THUHRILTU 2

Share

Pathien chun ama suklung- awitu kuoma chun varna le hriet- thiem theina le hlimna a pêk a, mi suol kuoma ruok chun Pathien suk- lungawitu kuoma pêk dinga lâk- khâwmna le siekhâwlna sin a pêk a. Hi khawm hi teplo el a na, lungril rimsikna el a nih.

Miin a sinthaw inrimnaah a lungril a sininrimna a dâwn a, a fâk nêka ṭha lem, mi ta dingin ieng dang khawm a um nawh. Hi khawm hi ka hmu tah a, Pathien kuta inthawk bawk a nih. Keia nêka nasain tuin am inhawitir theiin, tuin am fa thei a ta?

Chun, ka kuthaiin sin a lo thaw ta po po chu ka en a, chuonghai thawa ka lo sininrimna tahai po po chu teplo el le, lungril rimsikna el a nih, nisa hnuoia hin hlâwkna hrim a lo um nawh ti ka hmuh a.

Chun, ka mithaiin a châk taphawthai chu, chuonga inthawk chun kân sûm nawh a, hlimna ienga inthawk khawmin ka lungril chu kân sûm ngai nawh a, ka sininrimna po poa chun ka lungril chu a hlim a; ka sininrimna po poah hi hi ka chanpuol a nih.

Chun, varin inthimna chu a khûm angin, varna khawm chun invêtna chu a khûm ti ka hmu tah a.

Mi var mithai chu a lua chun a um a, mi invêt ruok chu inthimah a lâwn; amiruokchu, an rênga chungah khawrêl angkhat a tlung tho ti ka hmuh a.

Achâng chun mi varna, hriet- thiemna le themthiemna le sinin- rimna, ana hlak, a thaw suoksa chu sininrim nawin a chên el dinga maksanpêk a um bawk a. Hi khawm hi teplo el a na, suol nasatak a nih.