Popular Bible Verses from BIAPHUAN 9

Share

Asinain cu zawtnâk nih a thah lomi minung hna nih an kut chuak milem sui milem ngun le dar le thing le lung in an sermi milem zeihmanh a hmu kho lomi, thawng a thei kho lomi, a kal kho lomi milem kha bia ti lo dingin an i ngaihchih hlei lo. Cun lainawn le doih, nupa sualnâk tuah le thil an fir tawnmi zong an i ngaihchih hlei lo.

Cuticun cu meikhu lakah lei cungah khaubawk an hung chuak. Tlâng ngaikuang nih mi fahternâk a ngeihmi bang khin ṭhawnnâk an pêk hna, Lei cung i ramhring hna le a hringmi vialte, thingkung vialte hna zong hrawk lo ding i nawlpêk an si, asinain an cal ah Pathian hmelchunhnâk a ngei lomi lawng kha harnâk pe dingin nawlpêk an si.

Cuticun vanmi panganâk nih a hun tum i van in arfi pakhat leiah a tlâk kha ka hmuh, A sinah taw a ngei lomi khor tawh kha an pêk.

Cun mi thahnâk nawl kha pêk an si lo, asinain thla nga chung harnâk pe dingin nawlngeihnâk pêk an si. Harnâk an pêkning cu tlâng ngaikuang nih mi a seh i fahnâk a pêkmi bantuk khi a si

Cun siangpahrang bantuk an ngei i cucu taw a ngei lomi khor vanmi a si, a min cu Hebru in Abaddon ti a si i Grik holh cun, Apollyon ti a si.