Popular Bible Verses from BIAPHUAN 8

Share

Chinchiahmi pasarihnâk a hun phoih tikah, suimilam a cheu hrawng vancung cu a dai.

Vanmi pakhatnâk nih a hun tum: Cun mei le rial nih a zulh i thisen he â cawhmi kha vulei ah a sur. Vulei cheuthum cheukhat kha a kâng dih, thingkung hna zong cheuthum cheukhat a kâng dih i ram hring vialte zong a kâng dih.

Cun ka hun zoh i mupi van i a zuangmi nih awthang ngaiin lei i a ummi hna caah ngaihchia a si, ngaihchia a si, ngaihchia a si, zeicatiah a tângmi vanmi pathum hna nih muko an tum`hân rih lai caah tiah, a ti kha ka theih.

Vanmi pahnihnâk nih a hun tum i a nganmi tlang bantukin a kâng hluahmahmi mei kha rili chungah an hlawnh i rili cheuthum cheukhat kha thisen ah â cang dih.

Vanmi pathumnâk nih a hun tum i a ngan ngaimi arfi, meifar bangin a alhmi hi van in a rung tla i tiva cheuthum cheukhat le tikhor ah an tla. Cu arfi min cu “Khâ” ti a si. Cuticun ti cheuthum cheukhat kha a khâ dih i ti cu a khât tuk caah mi tampi an thi

Vanmi palinâk nih a hun tum i ni le thlapa le arfi kha cheuthum cheukhat cio an mui. Chun ah cheuthum cheukhat cu a ceu ti lo. Cubantuk ṭhiamṭhiam in zan zongah a si.