Popular Bible Verses from KOLOSE 1

Share

Amah nih khuamui nawlngeihnâk chungin a kan chuahter i a dawtmi Fapa pennâk chungah a kan luhpi

Zeitintiah thil vialte, van i a ummi siseh, lei i a ummi siseh, hmuh khawhmi siseh, hmuh khawh lomi siseh, bawi ṭhutdan siseh, pennâk le nawlngeihnâk vialte hna hi Amah in ser an si. Zeizong vialte hi Amah thawng le Amah caah sermi an si

Amah cu zeizong vialte hlanah a um cang, cun zeizong vialte hi Amah ah an i fu dih.

Amah cu hmuh khawh lomi Pathian muisam sermi thil vialte ah hrin-hmasa bik a si

Hiruangah kannih zong nih thlarau lei fimnâk le theihthiamnâk vialte nan ngeih i Amah duhning i hngalhnâk in nan khah khawh nâkhnga, nan kong kan theih ni in nan ca thlacam le nawlpiak kan ngol lo; Bawipa lawmhter awktlâk in tling tein nan nun i thilṭha phunkip tuahnâk ah theitlai chuah in Pathian hngalhnâk i nan ṭhân khawh nâkhnga