Popular Bible Verses from FILIPI 4

Share

Zeithilhmanhah lungrethei in um hlah u, zeizong vialte ah thlacam le hal in, lawmhnâk bia chimchih pengin, nan duhnâk hna cu Pathian sinah hngalhter u

cun Pathian daihnâk, theihthiamnâk vialte a lonhtu nih khan nan lungthin le nan ruahnâk kha Krih Jesuh ah a kilven lai.

A donghnâk ah unau hna, a dikmi, hmaizah awk a tlâkmi, a thiangmi, duh a nungmi, a thangṭhami, ṭhatnâk a um i thangṭhat awktlâk a si ahcun, cucu ruat hna u.

A ka ṭhawntertu Krih ah zeizong vialte ka tuah khawh.

Bawipa ah i lawm zungzal u, ka nolh ṭhân lai, i lawm u!

Ka Pathian nih Krih Jesuh i a sunglawi ngaimi a rumnâk chungin nan herhmi vialte an pêk hna lai.

Nan cawnmi, nan pommi, nan theihmi le keimah i nan hmuhmi zong kha, khabantuk kha tuah u, cuticun daihnâk Pathian nih an umpi hna lai.

Lungnemmi nan sinâk kha mi vialte hmuhah siseh, Bawipa cu a nai ko.

Niamte i um ka thiam i rum zong ka thiam. Khuazei pauh ah, zeizong vialte ah pawkhim le rawlṭâm i um le rum le chamhbau i umning biathli cu ka hngalh cang.

Ka chamhbaunâk kong lawng ka chim lo, kei cu zeitipauh in um hmanh ninglaw lungtlin ka thiam cang.