Popular Bible Verses from 歌羅西書 3

Share

有紛爭个時，愛彼此包容，互相原諒。主樣般赦免你等，你等也愛樣般赦免別人。

你等愛專心天頂个事，毋係地上个事。

無論做麼介，你等愛專心去做，像係為主做，毋係為人做。

上帝惜你等，揀選你等做佢聖潔个子民。所以，你等愛用憐憫、慈愛、謙卑、溫柔，㧯忍耐做衫來著。

你等愛俾基督个真道豐豐富富住在你等个心內。愛用各樣个智慧互相教導㧯勸話，用詩篇、聖詩、㧯屬靈个詩歌，對心底發出感謝个聲來頌讚上帝。 無論做麼介，講麼介，你等攏總愛奉主耶穌个名，通過佢感謝阿爸上帝。

這一切德行以外，還愛著上愛心；因為使全部連結成做完全个就係愛心。

你等已經同基督共下復活，你等就定著愛追求天頂个事；在該位，基督坐在上帝正片个寶座上。

基督所賜个和平愛在你等个心內做主；為到使你等有這個和平，上帝揀選你等，使你等合做一體。還有，你等愛心存感謝。

所以，你等一定愛治死在你等身上作怪个該兜屬世个慾望，像淫亂、污穢、邪情、色慾，㧯貪心 (貪心係一種个拜偶像)。

因為你等已經同基督共下死，你等个生命同佢共下囥在上帝个底背。

總係這下，你等愛棄絕這一切个事：毋好再有發閼、發譴，㧯怨恨；也做毋得講譭謗㧯垃圾个話。

毋好講花撩騙來騙去，因為你等已經脫掉舊人㧯舊人个習慣， 著上新人。這新人係被創造佢个上帝照自家个形像緊換新，來完全認識上帝。

做老公个，你等愛惜𡜵娘，毋好苦毒姖等。

做子女个，你等愛凡事聽從爺𡟓；因為這係主所歡喜个。

做𡜵娘个，你等愛順服老公；因為這係基督徒个本份。