Popular Bible Verses from 歌羅西書 2

Share

既然你等接受基督耶穌做主，你等愛同佢連結來行事， 在佢底背釘根，建造，堅固信心；這係你等所領受个教訓。還有，你等也愛滿心感謝！

你等愛細膩，毋好被麼人用虛空㧯欺騙个哲學所轄制。因為該種學理係照人个傳統；它个根源係宇宙間所謂星宿个神靈 ，毋係基督。

頭擺，你等屬靈个生命係死个，因為你等有罪，又因為你等係無 摩西 法律个外邦人。總係，上帝使你等同基督共下再生過來。佢赦免𠊎等一切个過犯， 取消該愛控告𠊎等、法律上䌈等𠊎等个犯罪記錄，將它釘在十字架頂廢掉。

因為上帝神性个豐盛成做形體住在基督底背， 恁樣，你等同基督結連就得到豐盛个生命。佢係頭，超過一切靈界个執政者㧯掌權者。

所以，毋好俾人在飲食、節期、初一，抑係安息日這兜問題頂高用規則來䌈等你等。 這一切不過係未來事情个影定定；基督正係本體。