Popular Bible Verses from Ruma 3

Share

Asi lwiyane sanaka umawmase pasaalriwnga makanaelre, akiamenga ku lrigu ki Twaumase. Ai, ku Twaumase wavutha baai ku migemi, pangwakai ki Yesu Kirisitu si palribulu liniane ala dulru makakadalru iniane.

Ku Twaumase wamalra ki umawmase pakadawdalru iniane, ngwakai ku takasalrwane lini ki Yesu Kirisitu. Ku Twaumase twangimiyaiya kikai kwidra ki sanaka masaalru ki Kirisitu ku umawmase, kadrwa ku tapakaelaelane

Ku Twaumase kai pathilipi ki Yesu, wamalra iniane tu Samupasalrivanane ka lrisi, pangwakai ki tapacadhaneini, ku umawmase la ngwalai ku sakiapawteatenga lini ki Yesu si kipacepe ku pasalrivane. Ku tapiane kai ki Twaumase pathingalane ku dringelresaneini. Asi lwiyane kiadili, pacepe ku tapasalrivane ki umawmase. Ai kaiasasane, la arakai ku tamwalrane ku pasalrivane pathingalane ku dringelresaneini. Lumiya kikai, ku Twaumase paathingalane ka amani ku madringelrese, si sanaka kiapawtenga ki Yesu ku umawmase la makitu makakadalrunga ki Twaumase.

Asi lwiyane kadrwa ku umawmase ku wadulru satalu ku tapaluludane ki hulrice si icucubungu ki Twaumase kitumadringelrese; kai hulrice sapathingalane ki pasalrivaneini ki umawmase sikakathane.

Mia ku taiyane kai ki Sisiu: Kadrwa ku umawmase ku madringelrese, adravane ka natangeanga kadrwa. Kadrwa ku malrigili ku umawmase, laka kadrwa ku namwarikaikaainga ki Twaumase. Sanaka umawmase sangwalrilrikudru katwase ki Twaumase, si karedededele katwase mwa ki makawli ka kadalranane; kadrwa ku umawmase ku paiyaiya ku mathariri ku kakudhane, adravane ka natangeanga kadrwa.

Ku turingaringau nai yai: Ku adulrwane ki umawmase makadawdalru ki Twaumase ngwakai ki salrwane sikathane, kaika ngwakai ku tapaluludane ki hulrice.

Kaika miyaiya kwini! Adravane kadraedrangelre kai umawmase, ku Twaumase patengatengane, mia ku taiyane ki Sisiu iya kai: Lu avavagasu, kadrwa ku atakaiyane tulisi, lu ki kukususu, lri tara akacisu.