Popular Bible Verses from Ruma 2

Share

Ai, retesane, kwini malrasu si arakai raeratenge ki palrapalra kwini lamaneemanenga ala amani ku piapiasu! Lu kidremedremesu lri dulrusu maka ubere ku sasaibangane ki Twaumase? Siadrekasesu ku thalradhaneini, ku pacepaneini, si kiadilaneini? Nai thingalesu ku Twaumase mathalrai, asi lwiyane ani ngitatupela amia muswane!

Retesane, lu raeratengesu ki palrapalra, adravane ka aneanesu, kaika amaka pacepane. Lu raeratengesu ki palrapalra, la ka mialrisu piyaiya, ngiatatu pasalrivanengasu.

Asi lwiyane kai apakaelaela ki umawmase ku Twaumase.

Asi lwiyane kudra lri kai kitupasalrivane ki Twaumase ku umawmase kaika amani kudra kialalalalra ku hulrice sikakathane. Amani kudra pangiamia ki hulrice ka umawmase.

Asi lwiyane ku Twaumase lri singikai ku kakwakudhaneini sanaka aneanenga pangibilri iniane.

Kudra la ngiapapakaesai, kai tarwamara ku patengane ka sabulrwane, la tupapaalralringa ki kai mwalecege ka umawmase. Ku elathane ki Twaumase si sapathavungane lri ulebe makakai liniane.

Ai, makawlukulunga kakelrathe turamuru kwi kidremedremesu, arwa dawlulringasu ku makaakalra ku elathane, ikai ki elathane si dringelresane ka sasaibangane ki Twaumase lu kelanga kudra vai lrika mateelrelrege ku akipathavungane.