Popular Bible Verses from EKLISIASTIS 3

Share

Barang masam kayuh adi jadi di ong jadi di tika adi Tapa mbŭh mien.

Ayŭh natu tika adi ngga daya biranak ngga tika adi ngga daya kabŭs, tika yŭn nyipurun ka tika yŭn dimbut, tika yŭn siŭ ngga tika yŭn pibua, tika yŭn nyirubuh ngga tika yŭn piramin.

Ayŭh natu tika yŭn susah ka tika yŭn gaŭn, tika yŭn muās ka tika yŭn bitanda, tika yŭn bidakŭp ka tika yŭn dŭh bidakŭp, tika yŭn bisium ka tika yŭn dŭh bisium.

tika yŭn nyiratak ka tika yŭn napung, tika yŭn pajam ka tika yŭn minyu. Ayŭh natu tika yŭn rindu ka tika yŭn tiru, tika yŭn biperang ka tika yŭn bidamai.

Ayŭh natu tika yŭn dapŭd ka tika yŭn kinanyap, tika yŭn nyikŭn ka tika yŭn taran

Aku puan kayuh adi Tapa ndai re tan adu adu. Nŭŭh dŭh dapŭd nambah puan kah tambit ani ani so dieh. Tapa ndai simŭnŭ ngga bada ata stabi di adŭp-I.

Aku nang darŭm asŭng ku, “Tapa re nggen bisara di daya adi kana ngga daya adi arap, sabab sopŭrŭg kayuh, sopŭrŭg urah, re jadi di tika adi mbŭh dog natu.”