Popular Bible Verses from EKLISIASTIS 2

Share

Tapa nggen pinyibijak, pinyipuan, ka pinyanang di ngara adi pimunos asŭng-I, pak Ayŭh bada daya bidosa nyiraja, trima gaji ngara ka nyikŭn duit, isa kayuh adi ngara dapŭd bisa dog nggen di ngara adi pimunos asŭng-I. Sopŭrŭg-i dŭh biyŭn rati, keya ka tadak sabak.

Pingandai manusia adi siabo kana inŭh man ka nok ka pimunos adŭp nŭh ngga kayuh adi mbŭh nŭŭh dapŭd. Pak, aku rada ndŭg ka kayuh ati gŭh mandŭg so Tapa. Munki boh dinge nŭŭh dapŭd man ka udip kambŭi Tapa mating?

Komŭnŭ aku bipikir pasar sopŭrŭg-i adi aku mbŭh ndai, ka munki masam bandar bandar aku nyiraja ngga pijadi-i, aku rada-i dŭh biyŭn rati. Kraja ku anŭ mbŭh au-tarun, keya ka tadak sabak.

Tadŭ kayuh adi aku raan, aku tungang dapŭd. Aku bŭn bitan adŭp ku so pinyirami. Aku mingangŭn di sopŭrŭg kayuh adi aku mbŭh dapŭd, ka sopŭrŭg anŭ inŭh upah ku.

Aku puan, “Pinyibijak inŭh kana dŭ so pinyibudo, nimun jawa inŭh kana dŭ so karŭm.

Daya bijak dapŭd kiris kamaki nuju pimanu ngara, pak daya budo dŭh.” Pak aku puan bait-i ata bijak puan kah budo, pinŭbŭn ta agi samah.

Nŭŭh an dapŭd kayuh ka nyiraja pakai sopŭrŭg pinyibijak, pinyipuan, ka pimandai, ka komŭnŭ nŭŭh tingge sopŭrŭg-i di daya bŭkŭn adi dapŭd-i dŭh so ka turang udas adŭp-i. Mating rati-i, ka-i dŭh batur!