Popular Bible Verses from Apokaliipsis 9

Share

Kʼuxhetz motx koʼp u kʼaxkʼo tiibʼa inqʼa xaol, inqʼa yeʼ motx kami. Poro tira jitoq motx titzʼa tibʼ tiʼ yeʼ ibʼanax inqʼa yeʼbʼaʼn. Tul jitoq motx itanbʼa inatxhkʼuulal inqʼa demoonio. Atz jitoq itanbʼa inatxhkʼuulal inqʼa itiuxh uvaʼ junt motx ibʼita, inqʼa ibʼitichla tiuxh uvaʼ ooroxhtuʼ, atz inqʼa plaataxhtuʼ, atz inqʼa vroonsexhtuʼ, atz inqʼa sivanxhtuʼ, atz inqʼa tzeʼ. Tan jitoq nik tilon inqʼa ibʼitichla tiuxh; atz jitoq nik tabʼineʼ; atz jitoq nik ixaoneʼ. Tul yeʼ motx titzʼa tibʼ inqʼa xaol tiʼ u yatzʼo ibʼ. Atz yeʼat itanbʼa inqʼa qʼiaʼm. Atz yeʼat itanbʼa u yansa ibʼ. Atz yeʼat itanbʼa u elaqʼ.

Tul jaʼul sakʼ tuul u jul xoʼl u sibʼ. Tul tira motx pax vet el inqʼa sakʼ vatz u txʼavaʼ. Yaʼne aqʼax vet tiqleʼm tiʼ itxhiʼt inqʼa xaol. Tul ech laʼ itxhiʼix inqʼa xaol taʼn, eche itxhiʼon inqʼa bʼaq jej txoo. Yaʼne alaxaq vet te inqʼa sakʼ taʼn quBʼaal Tiuxh uvaʼ yeʼlich laʼ ikʼux jankʼal inqʼa txhiko vatz txʼavaʼ. Yeʼl ixaq txhiko laʼ ikʼuxa; atz jitoq ixaq nimla txhaq tzeʼ. Pet aʼ alax te inqʼa sakʼ uvaʼ aʼ laʼich ikʼaxbʼisa inqʼa xaol, inqʼa yeʼl tetxhlal quBʼaal Tiuxh atoʼk tipala.

Yaʼne toqʼsa vitoʼv aanxel vitrompeeta. Tul vil tel bʼen val u yaabʼla aanxel, eche vaʼq txʼumil. Tul koʼp tuul val u jul uvaʼ yeʼl iyaʼebʼal at bʼen. Tul ech ikoʼp ibʼana, eche tel tzaan vaʼq txʼumil t-amlikaʼ. Tul aqʼax vet tokebʼal u yaabʼla aanxel tiʼ ijaqax u jul, eche ijaqax invaʼq kam tuchʼ laave ibʼana.

Tul alaxat te inqʼa sakʼ uvaʼ jit tira laʼich iyatzʼ inqʼa xaol. Pet laʼich kuxh ikʼaxbʼisa tuulbʼal oʼvaʼl ichʼ. Tul echetz ikʼaxbʼisan vitxhiʼon, eche vikʼaxbʼisan vitxhiʼon inqʼa bʼaq jej txoo.

Atichetz vaʼl mam iqʼesal inqʼa sakʼ uvaʼ een tzajnaʼqich tu jul. Aʼe val u aanxel palsan iyol quBʼaal Tiuxh. Tul ‹Avadoon› ibʼij. Tul ‹yansanal,› chich telaʼp vibʼij t-quyolbʼal, oʼ inqʼa tij imam Israeel. Tul antxh ‹yansanal,› chich telaʼp paqte tu yolbʼal grieego, u bʼij ‹Apolioon.›