Popular Bible Verses from Apokaliipsis 8

Share

Taʼnetz kuxh teesa el JesuKriisto, uvaʼ ech tilix, eche chelem karneʼl, vijuqv lakʼubʼ tetz u uʼ, tul tira tzʼinun vet tu amlikaʼ. Tul kamal nikʼaʼmil oora ibʼana.

Tul toqʼsa vet u bʼaxa aanxel vitrompeeta. Tul yekich koʼp vet saqbʼatz tuchʼ xamal uvaʼ yujich tibʼ tuchʼ kaq vatz u txʼavaʼ. Atz yekich tzʼeʼ vet vitoxtanul inqʼa tzeʼ te kaqaayil inqʼa tzeʼ. Tul tira motx tzʼeʼ jankʼal inqʼa kʼoatxh tuchʼ inqʼa itza tuchʼ jankʼal inqʼa txhiko.

Yaʼne vil ipal vaʼt u aanxel vatz amlikaʼ. Tul jankʼalxh tiʼ iqul sichʼini. Tul ech tal s-eche: —¡Txumlebʼal, txumlebʼal inqʼa palsan yolla xaol, inqʼa jeqlel vatz txʼavaʼ! ¡Txumlebʼalxh inqʼa xaol, inqʼa jeqlel vatz txʼavaʼ toq ibʼaneʼ uvaʼs laʼ ikʼult inqʼa kʼaxkʼo uvaʼ toq koʼpoq s-tiibʼa uvaʼs toq toqʼsat oxvaʼt inqʼa aanxel vitrompeeta! —chichich u aanxel.

Yaʼne toqʼsa vet vikaʼv aanxel vitrompeeta. Tul yekich koʼp vet val u mamaʼ xamal tu maar. Tul xeʼt oybʼoq tinikʼa u maar. Tul echich tilix, eche invaʼq mamaʼ vitz uvaʼ laʼ oybʼ mam xamal s-tiʼ. Tul oxtanul vet u maar bʼen s-kaq, te kaqaayil u maar.

Yaʼne toqʼsa vet vitoxv aanxel vitrompeeta. Tul yekich elbʼen val u mamaʼ txʼumil vatz amlikaʼ. Tul sebʼtich toybʼeʼ, eche toybʼ xamal. Tul een koʼpik viʼ vitoxtanul xaomla aʼ, te kaqaayil inqʼa xaomla aʼ. Atz koʼp at viʼ inqʼa titzʼebʼal aʼ. Tul aʼich ibʼij u txʼumil ‹Kʼayunchil,› tan tira kʼaybʼix vet vitoxtanul u xaomla aʼ, te kaqaayil u xaomla aʼ. Tul mamala vet xaol motx kam taʼn u aʼ, tan oqxhich vet ikʼayale.

Yaʼne toqʼsa vet vikajv aanxel vitrompeeta. Tul yekich yan vet jalil u qʼij. Atz bʼen vet jalil u qʼij s-qʼeq, te kaqaayil u qʼij. Atz yekichat yan vet jalil u ichʼ. Atz bʼen vet jalil u ichʼ s-qʼeq, te kaqaayil u ichʼ. Atz yekichat yan vet inqʼa txʼumil. Atz bʼen vet vitoxtanul s-qʼeq te kaqaayil txʼumil. Echetz s-tiʼil yeʼxh vet jankʼal saq ibʼan s-qʼiil; atz yeʼxh vet jankʼal saq ibʼan s-aqʼbʼal.