Popular Bible Verses from Apokaliipsis 10

Share

Maʼtetz itanatxh vet inqʼa qʼij, tul tzitzi laʼ xeʼtik elaʼpoq vet val u yol uvaʼ muqel kuxh taʼn quBʼaal Tiuxh. Aʼe, uvaʼ yaʼn laʼ ikʼutxh vet quBʼaal Tiuxh kam bʼanel taʼn. Tan aʼ inqʼae, ibʼaxabʼsa quBʼaal Tiuxh talax te inqʼa qʼexsan tetz viyol. Aʼetz inqʼae, laʼ utxh vete t-invaʼl qʼij uvaʼ yaʼn tuleʼ uvaʼs laʼ toqʼsat vet vijuqv aanxel vitrompeeta.

Tul ech vaʼt u yol alax s-ve s-eche: —Tetxhal tel kuxh laʼ aal inuqul viyolbʼal quBʼaal Tiuxh kam uvaʼ nik tal quBʼaal Tiuxh see. Laʼ aal te kamxh xaolil, atz te jankʼal inqʼa mam tenam, atz te jankʼal inqʼa xaol, kʼuxh kamxh yolbʼalil nik iyolbʼe, atz te jankʼal inqʼa mam iqʼesal, —xeʼt eʼl in.

Yaʼne vil tel bʼen invaʼt u aanxel tu amlikaʼ, uvaʼ sibʼichxh iyakʼil. Tul sutimich tiʼ taʼn val u suʼtzʼ. Tul atich jaʼ val u txakmanchʼel tiibʼa iviʼ. Tul echich vivatz, eche vilitzʼkabʼin u qʼij. Tul echich inqʼa ikux, s-taqan, s-toq, eche invaʼq xamal uvaʼ sebʼt toybʼeʼ, atz eche kaʼvoʼq piraal uvaʼ nik toybʼeʼ.

Yaʼne bʼen vet in kʼatz u aanxel. Tul val s-te uvaʼ laʼ taqʼ u tal uʼ s-ve. Tul ech tal s-ve s-eche: —¡Il u uʼ ila! Etxhbʼu. Tul oqxh ichiʼl toq tok tatziʼ, eche taʼl kabʼ. Pet toq kʼaybʼoq avuul taʼn, —xeʼt u aanxel s-ve. Yaʼne inkʼul vet el u uʼ tiqʼabʼ u aanxel. Tul vetxhbʼu veteʼ. Tul oqxh ichiʼl tok tintziʼ, eche taʼl kabʼ. Pet koʼpetz vet t-vuul, tul oqxh vet ikʼayal ex ibʼane.