Popular Bible Verses from 1 Koriintios 3

Share

Bʼenoqetz sete uvaʼ, aʼ, exe u tatibʼal quBʼaal Tiuxh, atz aʼ nik atink viTiuxhil Tiuxh tetaanima, eche tatinich quBʼaal Tiuxh tu tostiuxh uvaʼ tu tenam Jerusaleen.

Tan yeʼ laʼ utxhi uvaʼ tikʼ laʼ aqʼax kuʼ vaʼtoʼq ixeʼ otzotz, tiʼ uvaʼ atxh vet kuʼ, tan aqʼelxh vet kuʼ vixeʼ. Aʼetz u quBʼaal JesuKriistoe uvaʼ, eche ixeʼ vaʼq otzotz tatineʼ.

Echetz jit aʼ palnaʼq tiqleʼm u avan tetz u txhiko, atz jitoq uvaʼ nik akʼsan u txhiko, pet taʼnxh u quBʼaal Tiuxh uvaʼ nik chʼijsan u txhiko palnaʼq tiqleʼm.

Echetz oʼ kuxh lotxhonal kʼatz quBʼaal Tiuxh. Tul aʼetz ex, inqʼa niman tetz quBʼaal Tiuxh, eche invaʼq txhiko. Pet jit ex tetz Paʼp, atz jit ex tetz Apoolos. Atz echat ex, eche invaʼq otzotz uvaʼ nik ibʼit quBʼaal Tiuxh.

Tan yaʼn laʼ tilix veteʼ kam tiqleʼm uvaʼ qat bʼanbʼel tiʼ ichʼijsal inqʼa xaol tiʼ viyolbʼal quBʼaal Tiuxh tu qʼij uvaʼs laʼ taqʼt kuʼ quBʼaal Tiuxh inqʼa yol tinuqul. Tan aʼ vet u taqʼt kuʼ quBʼaal Tiuxh inqʼa yol tinuqul laʼ kʼutxhun maq bʼaʼn, atz maq yeʼbʼaʼn inqʼa yol qat qutxakunsa jununil oʼ tiʼ echʼijsal tiʼ viyolbʼal quBʼaal Tiuxh. Tan aʼ vet u xamal laʼ kʼutxhun kam tiqleʼm inqʼa kam bʼanbʼemal tiʼ invaʼq otzotz.

Poro u avan tetz txhiko tuchʼ u akʼsan tetz txhiko, tan eela kuxh u tiqleʼm. Pet koq tiʼ inqʼa itxʼaqaʼm, tan tootzaq quBʼaal Tiuxh jankʼal vitxʼaqaʼm junun laʼ ikʼul te quBʼaal Tiuxh tiʼ inqʼa taqʼon.

Echetz yeʼ kuxh eteesa etibʼ t-bʼey sejunal tiʼ etitzʼataʼ uvaʼ atxh vet etxumbʼal s-bʼaʼn tiʼ inqʼa txumbʼal nik toksal iqʼij tintanul inqʼa yaʼbʼ s-txheel vatz txʼavaʼ. Echetz oq at invaʼq ex, uvaʼ aj txumbʼal vet ex nik enatxheʼ, tul aʼ ebʼana uvaʼ, eche yeʼl etxumbʼal tiʼ inqʼa tetz vatz txʼavaʼ laʼ ebʼana. Echetz yeʼ laʼ imaqt exe tiʼ itxhej etxumbʼal kʼatz quBʼaal Tiuxh.