Popular Bible Verses from 1 Koriintios 4

Share

Tan vikʼutxht u xaol vibʼant quBʼaal Tiuxh iqʼesalil s-kʼatza, tan jit uvaʼ tuchʼ kuxh yol laʼ ikʼutxhvat. Pet aʼ laʼ ikʼutxhvat tuchʼ u tatin u tiqleʼm quBʼaal Tiuxh s-kʼatza.

Echetz yeʼ kuxh ebʼaxabʼsa etibʼ tiʼ talax invaʼq yol s-viʼ. Pet txʼebʼvaq; tan laʼ nal ul u quBʼaal JesuKriisto, yaʼne laʼ ul tal inuqul inqʼa yol s-viʼ. Tan aʼ u quBʼaal JesuKriisto laʼ ul aqʼon eluʼl vatz qʼij saq jabʼiste inqʼa ikantxhaqla bʼanoʼm inqʼa xaol, inqʼa muqel kuxh nik motx ibʼantaʼ. Tul aʼ u quBʼaal JesuKriisto laʼ ul alon eluʼl inuqul vatz qʼij saq kam uvaʼ at tu taanima junun xaol. Echetz jununil vet oʼ laʼ toksa quBʼaal Tiuxh quqʼij tiʼ kam qubʼanoʼm.

Pet toqetz val sete, jabʼilxh oʼ, inqʼa iqatzin talax inuqul inqʼa iyol quBʼaal Tiuxh, tul aʼ isaʼ uvaʼ kʼuqlebʼalxh kʼuul oʼ laʼ ibʼana tiʼ ibʼanax u taqʼon quBʼaal Tiuxh.

Echetz yeʼ kuxh etoksa quqʼij, tan yiqxh oʼ kuxh taqʼonvil quBʼaal JesuKriisto. Atz oʼ kuxh iqatzin tetz talax inqʼa iyol quBʼaal Tiuxh, inqʼa yaʼn nik taqʼ ootzaqiloq s-txheel.