Popular Bible Verses from 1 Koriintios 2

Share

Pet echetz ibʼan, eche val u yol uvaʼ tzʼibʼamalxh ka t-viyolbʼal quBʼaal Tiuxh uvaʼ ech nik tal s-eche: —Qat ibʼan quBʼaal Tiuxh tutxh val u mam bʼaʼnil te inqʼa xaol, inqʼa at taanima tiʼ quBʼaal Tiuxh; u mam bʼaʼnil uvaʼ yeʼxhabʼil invaʼq ilon, atz yeʼxhabʼil invaʼq abʼin, atz yeʼxhabʼil invaʼq itzʼan bʼen, —chich u yol.

Pet u xaol, uvaʼ jit niman tetz Jesuus, tan keʼch koq saʼ ibʼen inqʼa yol s-te uvaʼ nik tal viTiuxhil Tiuxh. Tan aʼl tira yeʼl kuxh itxakunbʼal u yol s-vatz kam uvaʼ nik tal viTiuxhil Tiuxh. Tul keʼchetz koq laʼ motx ibʼen s-te, pet tuchʼ viTiuxhil Tiuxh laʼ bʼenk s-te.

Kʼuxhetz yeʼxhabʼil vaʼq ootzaqinich tetz vitxumbʼal quBʼaal Tiuxh uvaʼ kolelich kuxh taʼn, pet yaʼnetz qat taqʼ qootzaqi s-txheel taʼn viTiuxhil. Tan tekʼxh nik itxhʼoti viTiuxhil Tiuxh. Tul tootzaqlat viTiuxhil Tiuxh kamxh uvaʼ oqxh itzaʼlal tootzaqile uvaʼ at tu taanima quBʼaal Tiuxh.

Antetzxh viTiuxhil Tiuxhe uvaʼ, aʼ tzajnaʼq s-kʼatza, nik aqʼon qootzaqi kame inqʼa mam bʼaʼnil uvaʼ ayaʼlxh ikʼuul quBʼaal Tiuxh qat taqʼ s-qe. Pet jit itxumbʼal invaʼq xaol vatz txʼavaʼ uvaʼ yeʼ ootzaqin tetz quBʼaal Tiuxh nik aqʼon qootzaqi.

Atz jitoq bʼokʼtziimla yol, atz jitoq tuchʼ yol tetz aj txumbʼal vatz txʼavaʼ ex inbʼanbʼe tiʼ valt inqʼa bʼaʼnla txhaq yol sexoʼl. Pet aʼ ex inkʼutxh sexoʼl kame u tiqleʼm viTiuxhil Tiuxh at sinkʼatza. Echetz jit aʼ laʼ bʼenk ekʼuul tiʼ viyolon u xaol tuchʼ u txumbʼal tetz vatz txʼavaʼ tiʼ eqejtaʼ. Pet aʼ bʼenk ekʼuul tiʼ u tiqleʼm quBʼaal Tiuxh tuchʼ inqʼa nik motx ikʼutxh sevatz.