Popular Bible Verses from Kɔlɔsii 3

Share

Kɨ fwi siŋ kɨ shə maa vəliŋ viŋ me! Wə kɨ luu yɨ̀sə nu bwə maa viŋ, viŋ ndenə yibɨsə yi, fɔnə Nwi ndenə yibɨsə yiŋ. Nɨniŋ, ŋkə kùꞌnə laa viŋ ndenə yibɨsə yiŋ, viŋ viŋ.

Nɨniŋ, viŋ tə sɨ maa vətɔ mbɨə faŋ mbə lùu yizɔ, kee kɨ tə sɨ maa vətɔ fɨ shɨ nsi me.

Maa vənu vənshə faŋ vɨ kɔ tɨ́ viŋ, laa viŋ faꞌ nə, viŋ kɨ faꞌ nə fwi yijəə, bɨꞌtə laa viŋ faꞌ tɨ́ Nwi, laa viŋ kee faꞌ sheꞌ tɨ́ wə mənsaw me.

Viŋ kìi nshinə yifi yɔ́ ndwə, buꞌ laa Nwi nə shòꞌ viŋ laa viŋ luu mbii vɨɨ. Viŋ lùu vɨɨ ley tɨ́ ŋwə. Ŋwə baa luu kaw viŋ. Nɨniŋ, viŋ kɨ shi yaa vɨɨ vi; viŋ kɨ kee gəŋsə vɨɨ, baa kìi njyoꞌ yijəə maa viŋ, viŋ viŋ! Viŋ kɨ suꞌsə yiŋwaa yiŋ nsi, duꞌ bwaŋnə, baa kìi fwi yizutə!

Viŋ duꞌ kɨ bɨꞌtə sheꞌ yigisə Kristo fɨ taa fwisə viŋ ghee nshə. Viŋ kɨ ndi yitɔfə maa mədeesə wə nə wə nə nu Nwi, tɨsə wə nə wə. Viŋ kɨ bəŋsə Nwi nə nyaysə taŋ taŋ, viŋ kɨ zwa nyaysə faŋ Zwitə Ley Nwi kɔ̀ tɨ́ viŋ. Bàw viŋ yɨ nɨniŋ, baa bwàŋ Nwi nə fwi yimuꞌ. Taa vənu vənshə faŋ viŋ yɨsə, nə təgi tənshə faŋ viŋ gisə, viŋ kɨ yɨsə vənu vənshə sheꞌ maa yizii Yeso Kristo, baa bwaŋ Nwi, faŋ lùu Tii ŋwaa-nsiŋ, fɨ yiba jɨŋ Kristo.

Nu ŋkɨə faŋ ŋkə shɔ̀ɔ vənu vəjəəvə vɔ́ vənshə, lùu laa viŋ kaw wə nə wə. Viŋ kɔꞌ kɨɨ laa ŋkawnə yɨsə vɨɨ faynə gu fa kəmuꞌ. Nshinə vəŋ kɨ nii bàw shɨlə.

Mə duꞌtə mə gì tɨ́ viŋ laa Nwi ywèysə viŋ fɨ ghɔ yiku, viŋ vɨ Kristo mɔ́ꞌ. Nɨniŋ, viŋ tə sɨ ghiŋ maa vətɔ mbɨə faŋ mbə lùu yizɔ, shəŋ ŋkɨə faŋ Kristo lùu shɔ nə. Ŋwə dùꞌ shɔ maa kwiŋ maꞌnə Nwi.

Viŋ kɨ yɨsə laa mənɔŋ-bwaŋnə faŋ ŋwə ndɔ̀ fɨ ghɔ Kristo, shiinə viŋ maa vənu vənshə faŋ viŋ yɨsə, buꞌ laa Nwi nə tìi viŋ laa viŋ jwi dùꞌ nyɔŋ, lùu yaa ŋwaa wi muꞌ, kɨ bwaŋ Nwi shɔ ghee nshə.

Nɨniŋ, viŋ meꞌ nshinə yimwanə yiŋ, faŋ nyə ndɔ̀ fɨ taa mbi yibwə. Viŋ ndi nshinə yɔ́ yaa nu faŋ ŋkə duꞌtə ŋkə ku. Kɨ viŋ baa kɨ tii vəki me, tɨꞌnə me yɨ kəŋ nu bwə mɔ́ꞌ me. Kɨ fwi yiŋ ndɔ maa nu me. Kɨ viŋ tə sɨ maa nu bwə me, tɨꞌnə me baytə vətɔ vəyaŋ me, buꞌ laa wə kɨ luu kɨ baytə vətɔ vəyaŋ, buu vətɔ vɔ́ kɨ nii luu tɨ́ ŋwə yaa vənwi faŋ ŋwə feꞌ. Vənu vəbwəvə vɔ́ vənshə ndɔ fɨ maa nshinə yimwanə yɔ́.

Viŋ kɔꞌ kɨɨ laa viŋ duꞌtə viŋ ku tɨ́ vətɔ vɔ́ fɨ shɨ nsi. Məbwey fi faŋ viŋ kìi ndwə nə, lùu ghɔ Kristo. Nwi duꞌtə Nwi kɔ məbwey fi ghɔ́ tɨ́ viŋ, faŋ kɔlə kaꞌ wə kee ta yiye me.

Luu nə, ndwə faŋ viŋ kìi nshinə yifi nə, viŋ baꞌsə ghɔ fɨ maa vənu vəbwəvə vənshə. Kɨ viŋ kɨ kii fwi yishəsə me, tɨꞌnə me fwi yibwə me, tɨꞌnə me mbɨꞌtə yibwə me! Kɨ viŋ kɨ ndasə wə me! Kɨ viŋ gi yigi faŋ nyə kee yikuꞌnə me!

Kɨ viŋ sɨɨ ba tɨ́ wə fɨ wiŋ me, buꞌ laa viŋ duꞌtə viŋ meꞌ nshinə yimwa yiŋ, faŋ nə luu nshinə maa məyɨsə kəŋ vənu vəbwəvə vɔ́. Viŋ bee kii ndi nshinə yifi, mɔ̀ꞌ maa viŋ yaa njwi. Nwi kɔ̀ nshinə yifi yɔ́ tɨ́ viŋ, yɨ̀sə laa viŋ gə nə vɨsɨ, kɨ kɨɨ nə Nwi. Ŋkɨꞌnə yiŋ kɨ nii lùu yaa njyə faŋ Nwi nə bɔ̀ŋ viŋ shɔ nə.

Gə fɨ maa viŋ, vəndəə və vəki, viŋ zɔ! Viŋ kɨ kaw vəki viŋ! Kɨ viŋ kɨ shə tɨ́ vəŋ me!

Gə fɨ maa viŋ, vaŋnə, viŋ kɨ zɔnə vənshwi viŋ ghɔ vətɨɨ viŋ maa vənu vənshə, buꞌ laa ŋkə bàw sɨ Kristo laa vɨɨ mbɨə faŋ vəŋ beꞌsə ŋwə, kɨ yɨ nɨniŋ.

Mə kəə gi nu tɨ́ vəki və məndaa ndwə. Viŋ zɔ! Viŋ kɨ suꞌsə yiŋwaa yiŋ nsi tɨ́ vəndəə viŋ, faŋ ŋkə kùꞌnə tɨ́ vɨɨ faŋ vəŋ beꞌsə Kristo nə.