Popular Bible Verses from Kɔlɔsii 2

Share

Nɨniŋ, faŋ viŋ nùŋ fwi siŋ maa tɨta Yeso Kristo, viŋ kɨ toꞌ maa nu Kristo nɨzi, yɨsə vənu mbɨə faŋ ŋwə kàw. Viŋ goꞌ viŋ ŋwə ghee nshə, gə nə vɨsɨ vɨsɨ, kɔꞌ bɨbiŋ ŋwə, wèꞌ shɔ, sheꞌ faŋ vɨ nə dèesə viŋ nə. Viŋ kɨ bwaŋ ŋwə ghee nshə nə məŋaytə.

Viŋ ndɨɨnə laa kɨ wə jwi bweꞌsə viŋ, jia viŋ nə yitɔfə fɨ taa mbi nyə̀ me, tɨꞌnə me, nə yigisə dayday faŋ nyə ndɔ̀ fɨ ghɔ nuŋsə vɨɨ me, tɨꞌnə me, fɨ maa vəwutə və mbi me. Təgi tɔ́ kee ndɔ̀ fɨ ghɔ Kristo me.

Yighee vɨsɨ viŋ yaa luu yaa vəŋku və vɨɨ, viŋ nə kee kìi məbwey yinsəŋ me, buꞌ faŋ viŋ nəə yɨsə vənu vəbwəvə, kee bee lùu vɨɨ Nwi me. Luu nə, Nwi bweysə nsiŋ, ndènə yibɨsə nyaa-nsiŋ, buꞌ faŋ ŋwə nə ywèysə Kristo fɨ shɨ yiku. Nə luu yighee vɨsɨ, nsiŋ nə gù vənu vəyaŋ, buꞌ laa nsiŋ nəə kee yɨsə vənu mbɨə faŋ Nwi nəə kəə laa nsiŋ yɨsə me. Nwi sɔ̀ yibɨsə yɔ́ faŋ nyə nə luu maa nsiŋ nə. Ŋkə lùu sheꞌ yaa Nwi ndì ŋwaꞌlə nsɔꞌ nyaa-nsiŋ, faŋ vɨ nə nyɔ̀ꞌ tɔ nsiŋ, bèy fuu fəŋkɔꞌ fə ŋkɨꞌsə mfɨə faŋ Yeso nə kù fuu yi nə. Nɨniŋ nə, nsɔꞌ nyaa-nsiŋ yɔ́ mè laylay.

Viŋ kɔꞌ kɨɨ laa nshɨ-tɔ Nwi nə wutə ki kənshə lùu taa ŋwaa Kristo. Faŋ viŋ lùu fa kəmuꞌ viŋ ŋwə, buu viŋ mètə tɨ̀ŋnə yaa vɨɨ Nwi fɨ yiba jɨŋ ŋwə. Luu ŋwə lùu tɔ tɨ́ vɨɨ mbɨə faŋ vəŋ sɔꞌ mbi nə. Ŋwə baa lùu tɔ tɨ́ vəwutə vənshə.

Faŋ ŋkə lùu nɨniŋ, kɨ viŋ biŋ wə kɔ nuŋsə yimɔ́ꞌ tɨ́ viŋ buꞌ vətɔ mbɨə faŋ viŋ zɨ nə me, tɨꞌnə me vətɔ mbɨə faŋ viŋ nu me, tɨꞌnə me kɔ̀ŋ nu məzɨ vəshi vəkwalə taa ŋuꞌ, nə taa ŋuu finə, tɨꞌnə me kɔ̀ŋ vəshi və zwisə me. Kwiŋ vətɔ vɔ́ luu sheꞌ yaa ndɨŋlə, faŋ ŋkə fɔŋ də̀ nu faŋ ŋkə taa jwi tɨ́ vɨɨ. Ŋkee fa ŋkɨə faŋ ndɨŋlə kɔ́ tɨŋ buꞌ ŋkə nə, lùu Kristo.