Popular Bible Verses from Loos 13

Share

Tabsis yuavtsum muab tug Tswv Yexus Khetos tej cuabyeej lug tuav; hab tsi xob quavntsej txug saab nqajtawv tej kev ntshaw hlo le.

Mej tsi xob tshuav leejtwg nqe, tuabqhov nujnqes kws mej tshuav tes yog ib leeg hlub ib leeg xwb; tug kws hlub lwmtug, yog nwg tub ua lawvle txuj Kevcai lawm.

Suavdlawg yuavtsum noog tej numtswv kws muaj meejmom lug, ruaqhov tej meejmom ntawd yog Vaajtswv pumzoo kuas muaj txhajle muaj, hab tej meejmom ntawd puavleej yog Vaajtswv ua tug kws rhawv.

Montuj tub yuav dlhau moog, nruabnub tub yuav tawm tuaj. Yogle ntawd, ca peb muab tej dlejnum montuj tsotseg, es cale muab tej cuabyeej nruabnub lug tuav.

Yog koj hlub lwmtug, koj yeej tsi ua phem rua puab ib zag le; yogle ntawd, kev hlub yog kev coj ua lawvle txuj Kevcai.

Mej tshuav leejtwg nqe, mej yuavtsum them rua puab kuas taag: yog mej tshuav se laj se teb, se vaaj se tsev, se nyajtxag kws mej khwv tau lug, los mej yuavtsum them tej se ntawd huvsi; mej yuavtsum fwm hab saib taug txhua tug numtswv huv tuabsi.