Popular Bible Verses from Loos 14

Share

Ruaqhov Vaajtswv lub Tebchaws tsi yog kev noj kev haus, tabsis yog kev ncaajnceeg, kev thaajyeeb, hab kev zoosab kws Vaaj Ntsujplig tug Dlawbhuv pub rua peb. Tug kws ua Khetos tegnum zoole nuav yog nwg ua hum Vaajtswv sab hab ua rua tuabneeg nrug pumzoo.

Yog peb muaj sa nyob, peb nyob rua tug Tswv; yog peb tuag, peb tuag rua tug Tswv. Yogle ntawd, txawm yog peb muaj sa lossis peb tuag, los peb yeej yog tug Tswv le tuabneeg.

Yogle ntawd, peb yuavtsum muab sab rau ua tej kws yuav ua rua suavdlawg nyob sis humxeeb hab tej kws ib leeg yuav txhawb tau ib leeg lub zug.

Yogle ntawd, ca peb tso txuj kev kws pheej txavtxim rua lwmtug tseg. Tabsis mej yuavtsum tau txavtxim sab has tas mej yuav tsi ua ib yaam dlaabtsi kws yuav ua rua lwmtug dlawm lossis yuamkev ua txhum.

Ruaqhov Vaajtswv Txujlug has tas, “Tug Tswv has tas, Kuv yog Vaajtswv tug kws muaj sa nyob, txhua tug yuav txhuscaug ntawm Kuv xubndlag, hab txhua tug lub ncauj yuav leeg has tas Kuv yog Vaajtswv.” Yogle ntawd, peb txhua tug nyag yuav tau qha nyag zaaj rua Vaajtswv has tas vim lecaag peb txhaj ua le ntawd.

Mej yuavtsum txais yuav tug kws nwg txuj kev ntseeg tseem tsi tau ruaj-khov pistsawg, tabsis tsi xob nrug nwg siscaav txug nwg tej kev xaav tas yog lossis tsi yog.

Koj yog leejtwg, es koj txhaj rautxim rua luas tug tubkhai? Txawm tug tubkhai ntawd yuav sawv hab qaug los nyob ntawm nwg tug tswv. Nwg yeej yuav sawv khovkho ruaqhov tug Tswv yog tug paab nwg.