Popular Bible Verses from यशैया 43

Share

मैले के नयाँ कुरा गर्दै छु, त्‍यो हेर। त्‍यो कुरा भइरहेको छ, त्‍यो अहिले तिमीहरू देख्‍न सक्‍छौ! म उजाड-भूमिका बीचबाट एउटा बाटो निकाल्‍नेछु, त्‍यहाँ खोला बहाउनेछु।

तँ गहिरो पानीबाट भएर जाँदा म तँसित हुनेछु। तेरा कष्‍टले तँलाई अत्‍याउनेछैन। तँ आगोको बीचबाट भएर जाँदा जल्‍नेछैनस्। तँमाथि आइपर्ने कठोर कठिनाइले तेरो हानि गर्नेछैन

तर परमप्रभु भन्‍नुहुन्‍छ, “बितेका कुराहरू याद नगर, उहिलेका घटनाहरू सम्‍झिनबस्।

हे इस्राएल, तेरो सृजना गर्ने परमप्रभु यसो भन्‍नुहुन्‍छ, “नडरा, मैले तँलाई उद्धार गरेको छु। मैले तँलाई नाम लिएर बोलाएको छु, तँ मेरो होस्।

तेरो प्राण बचाउन तेरो सट्टामा म सबै जातिहरू दिनेछु किनभने तँ मेरो निम्‍ति अति बहुमूल्‍य छस्। अनि मैले तँलाई आदर दिएको छु र प्रेम गर्दछु।

किनभने म परमप्रभु तेरा परमेश्‍वर हुँ, इस्राएलका पवित्र परमेश्‍वर, जसले तँलाई बचाउँछ। म तँलाई छुटकारा दिन मिश्रदेश, तेरो सट्टामा कूश र सेबा देशहरू दिनेछु।

नडरा, म तँसित छु! “पूर्व र पश्‍चिमका देशबाट म तेरा सन्‍तानहरूलाई बटुलेर घर ल्‍याउनेछु।

तर पनि म तेरा पाप क्षमा दिने परमेश्‍वर हुँ, म मेरै खातिर यो सबै गर्दछु, म तेरा पापको कति पनि याद गर्नेछैनँ।

“हे इस्राएलका मानिसहरू हो, तिमीहरू मेरा साक्षी हौ। तिमीहरूले मलाई चिन र विश्‍वास गर र म एक मात्र परमेश्‍वर हुँ भनी बुझ भनेर मैले तिमीहरूलाई मेरा सेवक हुनलाई छानें। मबाहेक अरू कोही परमेश्‍वर छैन, त्‍यस्‍तो कहिल्‍यै थिएन र कहिल्‍यै हुने पनि छैन।

“म एक मात्र परमप्रभु हुँ, मबाहेक बचाउन सक्‍ने अरू कोही पनि छैन।

म परमेश्‍वर हुँ र सदा रहिरहनेछु। कोही मेरो शक्तिबाट भाग्‍न सक्‍दैन, कसैले मेरो काम बदल्‍न सक्‍दैन।”

जङ्गली जनावरहरूले पनि मलाई आदर गर्नेछन् अनि स्‍याल र शुतुरमुर्गले मेरो प्रशंसा गाउनेछन्, जुन बेला आफ्‍ना छानेको प्रजालाई पानी दिन म मरुभूमिमा खोलाहरू बहाउनेछु। ती मैले आफ्‍नै निम्‍ति सृजेका मानिसहरू हुन् र तिनीहरूले मेरो प्रशंसा गाउनेछन्!”

तिनीहरूलाई छोडिदिन म उत्तर दिशालाई भन्‍नेछु र तिनीहरूलाई नरोक्‍न दक्षिण दिशालाई भन्‍नेछु। मेरा सन्‍तानहरू टाढा देशबाट, संसारका हरेक कुनाबाट फर्किआऊन्। तिनीहरू मेरा आफ्‍नै सन्‍तानहरू हुन्। मेरै महिमा ल्‍याउन मैले तिनीहरूको सृजना गरें।”

उहिल्‍यै परमप्रभुले सागर बीचबाट भएर जाने एउटा बाटो बनाउनुभयो, उर्लंदो पानीको बीच भएर जाने एउटा मार्ग। एउटा शक्तिशाली सेनालाई रथ र घोडाहरूका सेनालाई उहाँले नाश पार्नुभयो। तिनीहरू कहिल्‍यै नउठ्‍ने गरी लोटे, दियोको ज्‍वाला निभाएझैँ तिनीहरू निभाइए!

म परमप्रभु, तिमीहरूका पवित्र परमेश्‍वर हुँ। हे इस्राएलका मानिसहरू हो, मैले तिमीहरूको सृष्‍टि गरें, म तिमीहरूको राजा हुँ।”