Popular Bible Verses from यशैया 44

Share

“तिर्खाएको जमिनलाई म पानी दिनेछु र सुख्‍खा जमिनमा खोलाहरू बहाउनेछु। म तेरा सन्‍तानमाथि मेरा आशीर्वाद र तेरा छोरा-छोरीहरूमाथि मेरो आत्‍मा खन्‍याइदिनेछु।

परमप्रभु, जसले इस्राएलमा राज्‍य गरेर त्‍यसको रक्षा गर्नुहुन्‍छ, सर्वशक्तिमान् परमप्रभु यसो भन्‍नुहुन्‍छ, “म पहिलो र पछिल्‍लो एक मात्र परमेश्‍वर हुँ, मबाहेक अर्को कुनै परमेश्‍वर छैन।

बादल हटाएझैँ मैले तेरा अपराधहरू हटाइदिएको छु। बिहानको कुइरो फाटेर पन्सिएझैँ तेरा पापहरू पन्‍साइदिएको छु, मकहाँ फर्केर आइज, तँलाई बचाउने म नै हुँ।”

हे मेरो प्रजा, नडरा! तँ जान्‍दछस् कि उहिलेदेखि अहिलेसम्‍म के-के हुन्‍छन्, ती मैले अघिबाटै बताइदिएको छु र तिमीहरू मेरा साक्षीहरू हौ। के मबाहेक अरू कोही परमेश्‍वर छ र? अँहँ, मैले जानेको अरू कुनै शक्तिमान् चट्टान छैन।”

तँलाई सृजना गर्ने परमप्रभु म हुँ, तँ जन्‍मेको समयदेखि मैले तँलाई सहायता गरेको छु। नडरा, तँ मेरो सेवक होस्, मैले चुनेको प्रजा, जसलाई म माया गर्दछु।