Popular Bible Verses from Filipenses 1

Share

Ko jaꞌan nuna jian ixin Ndo Dio kuexiꞌin bincheꞌe ndo thi jian ngajin ra, ko xra jainxon sincheꞌe ndo ngajin ra rukjanja Jesucristo.

Ko jaꞌan danchiaa Ndo Dio ixin jaꞌa ra icha ruthjueꞌe choo ra ko icha jian tsinxin ra ixin tsunuꞌa ra tsinchieꞌe ra kexeꞌe thi jian. Ko jañaa ixruꞌin jianꞌa seꞌe ngajin ra are Jesucristo tsii.

Ja̱ sarichon jaꞌan, jeꞌo sinthaꞌa inchin rinao Cristo, ko ja̱ ndaseꞌen na, icha jian ixin jaꞌan.

Thexruxian Ndo Dio are xraxaꞌon ixin jaꞌa ra.

Jaꞌan nthatsaꞌan ñao ra ixin jian ncheꞌe ra inchin thetuꞌan juajnee Jesucristo. Ixin maski saso o sasoꞌa ngajin ra, jaꞌan rinaꞌo tsian ixin jian tedithikaon ra ko tetjaago ra juajnee Ndo Dio ko nakua juaxraxaon chunda ra ixin chunthia ra ngain Jesucristo

Thi jaꞌan icha rinaꞌo ko chunthia ixin jian sinthaꞌa kain ko xruꞌin tsusuananxin. Ko ruxraonꞌa na maski ndaseꞌen na o sarichon, kain nchaꞌon Jesucristo tsusayeꞌe ixin jaꞌan.

Ndo Dio chjaa ra juachaxin ixin jeoꞌa bithikaon ra Jesucristo, kai ixin tangi tsuꞌan ra ixin jeꞌe.