Popular Bible Verses from Efesios 6

Share

Ixin jeꞌa chujni thetukoꞌo ná, thi tethetukoꞌo ná mee espíritu jianꞌa. Ko espíritu mee chrji ngatauꞌen chrintho, ko espíritu mee chunda juachaxin thetuꞌan nthiꞌi ngataꞌa nunthe.

Ko nchetseꞌen ra ñao Ndo Dio ixin nchao sincheꞌe ra kain thi jian; ko kainxin nchaꞌon danchieꞌe ra ndo kunixin juachaxiin Espíritu Santo. Ko kain nchaꞌon tsjeꞌe ra jian thi ncheꞌe ra ko tunchrjenꞌa ra ixin danchieꞌe ra ndo ixin kain chujni chunthia ngain ndo.

Ko nchegunda ra kain juachaxin chjaa ra Ndo Dio, inchin chia dengaa ni theto, ixin jañaa suji sinthe ra are nchiijin sinao sinthayaꞌa ra.

Mexinxin jaꞌa ra dayéꞌe ra kain juachaxin dajon Ndo Dio, ko mee inchin chia dengaa ni theto, jañaa kai nchao tsixiꞌan ra are tsii nchaꞌon tangi tsuꞌan ra, ko are utsixiꞌan ra kain, dinthe ra suji kainxin nchaꞌon.

Ko thi icha rugunda, ixin jaꞌa ra chunthia ra ngain Ndo Dio, ko mee inchin naa chia jié kayakuenxin ra kain chijno jianꞌa jiyaa xruꞌi ruruaꞌan ra nchiijin, jañaa inchin chia kayakuenxin xi soldado chijno tja xi thetukaꞌo xa. Ko thi ukjan ni inaa chujni narua, mee inchin naa chia nchekjinga jaa ra, inchin xi soldado. Ko juajnee Ndo Dio nchegunda ra inchin chia taade, ixin yaa thi chjaa ra Espíritu Santo.

Ko dinthe ra suji, xraa xi soldado dinthedunga rua, jañaa tenchjiꞌan ra thi ndua chjaa ra Ndo Dio. Ko thi jian ncheꞌe ra tsjengijna ra, inchin thi chia dinthengaa xi soldado ixin diduꞌa xa chijno are theto xa. Tjaago ra thi jian juajna nchekunuꞌe chrjuin anseen ni ixin mee thi jian juajna, jañaa inchin xi soldado jichjanga xa theruee xa ixin tsji xa tseto xa.

Ko xrarundathjo ra, jaꞌa ra xro choo ná, tusuji ra kunixin juachaxin dajon Nchaa ná ko ixin dithikaon ra ngain jeꞌe ndo.

“Chundeꞌe ra juasaaya ndudaa ra ko janaa ra” ixin jiꞌi naa thi kuetuꞌan Ndo Dio, ko jiꞌi thi saꞌo dajin ixin jian tsjiꞌi ni, ja̱ sithikaon ni, ko jian sinthe ni ko tsjé nano seꞌe ni ngataꞌa nunthe jiꞌi.

Ko jaꞌa ra xro xan nchinnchinchjan, dithikaon ra ndudaa ra ko janaa ra, inchin jikininxin sincheꞌe chjan dithikaon Jesucristo.