Popular Bible Verses from Filipenses 2

Share

Ko ncheꞌa ra xra ixin tsainxin ñao ra o ixin kuetukoꞌo choo ra. Icha jian ncheꞌe ra inchin thetuꞌan Ndo Dio, ko xraxaon ra ixin icha chujni icha jian ncheꞌe na̱ ke jaꞌa ra. Thjeꞌa ra thi jian jeꞌo ixin jaꞌa ra, kai thjee ra thi jian ixin icha chujni.

Ko kain ra xraxaon ra inchin Jesucristo xraxaon

ixin maski Cristo kai Ndo Dio, aro jeꞌe binaoꞌa binchegunda juachaxiin nthiꞌi ngataꞌa nunthe. Ko jeꞌe kuinthuꞌe kain juachaxin bechunda ixin kjan inchin naa ni ncheꞌe xra are kunkjiꞌi inchin naa chujni. Ko are ubangi, jeꞌe nichjangiꞌa ko bithikaon Ndo Dio, bithjaja nchaꞌon beꞌen nganito ntha cruz.

ixin Ndo Dio thi chjaa ra thi jian xraxaon ra, ko thjengijna ra ndo ixin sincheꞌe ra inchin jeꞌe ndo rinao.

Mexinxin Ndo Dio chjee thi icha jié juachaxin ko jeꞌe thi thetuꞌan kain. Ko naa nchaꞌon are tsusayeꞌe Jesús, sinthethuxin nthajuchjiꞌi kainxin thi te ngajni ko ngain nunthe ko kainxin thi te ngangi jinche, ko kain ná rundachro ixin Jesucristo, Nchaa ná, ko jañaa tsusayexin Ndo Dio Ndudaa ná.

Kain yaa ncheꞌe ra, aro nichjakuaꞌa ra ixin chujni ko thetukoꞌa ra na̱, ko jañaa xruꞌin chujni rundachro ixin jaꞌa ra tencheꞌe ra thi jianꞌa, ixin jaꞌa ra xeꞌen Ndo Dio, ko jiꞌi ruchro ixin ncheꞌe ra thi jian ngayee chujni jianꞌa xraxaon ko jianꞌa ncheꞌe. Mexinxin jaꞌa ra tsungiixin ra inchin kunutse tungiixin ba ngajni.

Jaꞌa ra xro choo ná, xro anto thjuaꞌa ra, jañaa inchin bithikaon ra kain nchaꞌon ko jeoꞌa are bariꞌi ngajin ra ko jai icha dithikaon ra maski riꞌa ngajin ra. Kunixin juaxraon tsjeꞌe ra ixin isincheꞌa ra thi jianꞌa ixin ukjan ra naa chujni narua