Popular Bible Verses from Hebreos 13

Share

Thiakuenꞌa ra sinthechunda ra tsjé tumi, icha jian chaꞌa ra kunixin jeꞌo thi utechunda ra ixin Ndo Dio ndachro ndo: “Jaꞌan xruꞌin nchaꞌon tsinthuaꞌa jaꞌo, ko xruꞌin nchaꞌon satsjixin ngajin.”

Jesucristo dasingixinꞌa ixin jeꞌe xrajeꞌo jna, jai, ko kainxin nchaꞌon.

Mexinxin jai jaꞌan ná ixin chunthia ná ngain ndo, nchao rundachro ná: Ndo Dio thjengijna na jaꞌan; ko ruxraonꞌa na ngain chujni rinao sinchegatho na tangi.

Ko xruꞌin nchaꞌon tjañaꞌa ra ncheꞌe ra jian ko thjengijna ra icha chujni xruꞌin chunda kunixin thi chunda ra ixin mee thi rugunda sinthundusen ná ngain Ndo Dio ixin yaa thi rinao ndo ixin sinthoꞌo ná.

Mexinxin kainxin nchaꞌon nthusayeꞌe ná Ndo Dio kunixin juachaxiin Jesucristo. ¡Rugunda sinthunduxiꞌin ná ndo thi rutsjetheꞌe ná ndo ko nthusayeꞌe ná ndo kunixin ruꞌa ná!

Kain ra xro ukuthaꞌa ra, ncherenthe ra thi thutheꞌe ni, ko dinthechrikoꞌa ra ngataꞌa sauan ra thi jeꞌa chriꞌa ra ko thi jeꞌa xixiꞌa ra ixin Ndo Dio sincheꞌe jie̱ kain chujni dejuakaꞌo choo ko xra thutheꞌa ko kain chujni chunda xi kuxeꞌe o nchri kuxeꞌe.

Ko xruꞌin nchaꞌon tjañaꞌa ra ixin jian dayéꞌe ra chujni diji ngain nchiandui ra. Ixin kaixion chujni bincheꞌe jañaa, maski jeꞌe na̱ benueꞌa na̱ ixin bayée na̱ angeel Ndo Dio ngain nchianduꞌa na̱.

Ndo Dio, thi nchekunuꞌe chrjuin ngain anseen ni, ndo binchexechon Nchaa ná Jesucristo ngayee ni ndadigeꞌen, thi dakuan ná inchin thi icha jian thingaria kulekuchjeꞌen, ko jeꞌe kuejexin kunixin jnii thi narua kjuauthexin ndo ko xruꞌin nchaꞌon tsjexin. Ko jaꞌan danchia ixin jeꞌe ndo sinthakjan ra ndo jian chujni ko jañaa sincheꞌe ra thi rinao ndo, ko Jesucristo sincheꞌe ngajin ná inchin jeꞌe sinao. ¡Nthusayeꞌe ná Jesucristo kainxin nchaꞌon! Jañaa tsuꞌen.