Popular Bible Verses from Santiago 1

Share

Jaꞌa ra xro choo ná, xro dithikaon ra Jesucristo, chaꞌa ra are tedathuꞌe ra kexeꞌo thi tangi. Ko jaꞌa ra unuꞌa ra ixin thi tangi tedathuꞌe ra tsjengijna ra sinthasuji ra ngain thi dithikaon ra.

Ko ja̱ chrujan ra chundaꞌa ra jian juaxraxaon, danchieꞌe ra Ndo Dio, ko jeꞌe ndo ruchjaa ra ndo ixin jeꞌe ndo ncheniꞌa ndo dajon ndo kain ngain chujni sanchia.

Jaꞌa ra xro choo ná, xro anto thjuaꞌa ra, xraxaon ra thi rundathjo ra jiꞌi: rugunda ixin kain nchaꞌon thiꞌin ra, ko xraxaon ra jian thi runichja ra ko tuñaunkuaꞌa ra.

Ko ja̱ suji dithikaon ra, jañaa rukjan ra chujni jian kunixin jian juaxraxaon ko xruꞌin sitjanꞌa ra.

Aro rugunda ncheꞌe ra thi jitjaago juajna jiꞌi, ko jeoꞌa thiꞌin ra juajna ixin ja̱ jeꞌo thiꞌin ra juajna, jaꞌo ra ncheyeꞌe ra ansean ra.

Anto chrjuin ixin chujni thixiꞌin ngain thi tangi. Ixin are jeꞌe na̱ sathuꞌe na̱ kain thi tangi, chujni mee sayée na̱ juachaxin rukjan na̱ inaa chujni narua ko xruꞌin nchaꞌon tsjexin, ko jiꞌi thi ndachro Ndo Dio rugajon ndo ngain chujni anto thjueꞌe ndo.

Ixin kain juachaxin ko thi jian dayée ná thixin ngajni, thi jii Ndo Dio, ndo binchechjian kain kunutse. Ko jeꞌe ndo thingiꞌa ndo ko ncheꞌa ndo xraa saꞌon.

Thi chujni jeꞌo thiꞌin juajna jiꞌi, aro ncheꞌa thi thetuꞌan juajna, chujni mee inchin naa thi nchexruan ngakon ngain naa xruxrao. Ko are thjexin nchexruan ngakon ko sathji, tuin ndatjañeꞌe kexreen jii ngakon.

Thi chujni ndua dithikaon ngain Ndo Dio, ncheꞌe na̱ thi nchexruxiꞌin ndo ixin ncheꞌe na̱ thi jian, ko thjengijna na̱ xan nua, kai thjengijna na̱ nchri gaꞌan tangi tedathuꞌe, ko ncheꞌa na̱ thi jianꞌa ncheꞌe icha chujni.

Are chrujan ra ditaꞌa ra ixin sincheꞌe ra thi jianꞌa, xraxaonꞌa ra ixin Ndo Dio nthagitaꞌa ra sincheꞌe ra thi jianꞌa ixin Ndo Dio chroꞌa sitaꞌa ndo sincheꞌe ndo thi jianꞌa. Ko jeꞌe ndo xruꞌin nchaꞌon nchegitaꞌa ndo chujni ixin sincheꞌe na̱ thi jianꞌa. Ko are sitaꞌa ra sincheꞌe ra thi jianꞌa, ko thi ditaꞌa ra mee thii ixin ngain nthauꞌa ra urinao sincheꞌe thi jianꞌa ko jiꞌi thi nthayaꞌa ra ixin sincheꞌe ra thi jianꞌa.

Ko xan choo ná, xan xruꞌin chunda, ruchee xan ixin renthe xan ngathexin kon Ndo Dio