Popular Bible Verses from Colosenses 3

Share

Ko thixiꞌan ra thi sinthaꞌa ra inaa xan choo ra ko nchetjañeꞌe ra xan, ja̱ jinichja xan jianꞌa ixin inaa xan. Jañaa inchin Cristo binthatjañaꞌa ra, kai jaꞌa ra nchetjaaña ra.

Ko jeꞌo xraxaon ra ixin thi jii nthi̱ꞌa̱ ngajni; ko xraxaonꞌa ra ixin thi jii nthiꞌi ngataꞌa nunthe.

Ko kain thi sincheꞌe ra, ncheꞌe ra kunixin jian ansean ra inchin ja̱ runcheꞌe ra xree Cristo ko jeꞌa xree chujni.

Ko jaꞌa ra ukuinchaꞌa ra Ndo Dio ko anto thjuaꞌa ra ndo. Mexinxin thiakunueꞌe choo ra, ko thjengijna choo ra ko tainꞌa ñao ra, ko jian ncheꞌe ra ngain kain chujni, ko tuñaunkuaꞌa ra.

Ko juajnee Jesucristo jian seꞌe ngain ansean ra. Ko nchekueꞌen choo ra juajna jiꞌi ko thjengijna choo ra kunixin jian juaxraxaon. Ko tsje ra Salmos, ko himno, ko soon jikininxin rutsjetheꞌe ra Ndo Dio ko thexruxiꞌin ra ndo kunixin ansean ra. Ko kain thi sincheꞌe ra o rundachro ra, ncheꞌe ra inchin chujni nduaxin dithikaon Nchaa ná Jesucristo, ko thexruxiꞌin ra Ndo Dio Ndudaa ná ixin Cristo kjuengijna ná.

Aro thi icha jian sincheꞌe ra, mee thi ruthjueꞌe choo ra ixin jañaa ruxethjaxin kain thi jian ncheꞌe ra ko rukjan ra inchin nakua chujni.

Ja̱ jaꞌa ra uxechon ra ngain Cristo, thjee ra thi jian jii ngajni, nthi̱ꞌa̱ thi thjen Cristo no rajianxiin Ndo Dio.

Ko thi chrjuin dakeꞌe Ndo Dio ngain ansean ra, mee thi tsetuꞌan ra. Ko Ndo Dio kuinchiaꞌa ra ndo ixin rukjan ra inchin nakua chujni ngain ndo ko ixin kain jiꞌi thexruxiꞌin ra ndo.

Mexinxin thinthuꞌe ra kain thi jianꞌa thiakuꞌen nthauꞌa ra ko mee ruchro: Dinthechrikoꞌa ra nchri jeꞌa chriꞌa ra o xi jeꞌa xixiꞌa ra, ko ncheꞌa ra thi jikininxianꞌa sincheꞌe ra, ko ncheꞌa ra thi jianꞌa xraxaon ra ko thi jianꞌa thiakuꞌen nthauꞌa ra, ko thiakuenꞌa ra ixin ruchunda ra tsjé tumi ixin jiꞌi xrajeꞌo ja̱ runchesayeꞌe ra diuchjan dikunchjianxin xro o nthaa.

Ko jaꞌa ra xraa undabeꞌen ra ngain Cristo, ko ukjan ra inaa chujni narua ko nunxinꞌa jai ixin jima ngain Ndo Dio.

Aro jai thinthuꞌe ra thi tuñaunka ra, thi tuñauꞌe choo ra, thi ningakuꞌen choo ra ko nichjakua ra jianꞌa ixin inaa chujni, thi jianꞌa xraxaon ra ko ncheketo ra chujni, ko thi dixengakua nichja ra.

Ko thinthuꞌe ra thi ncheyeꞌe ra choo ra, ixin jaꞌa ra ukuinthuꞌe ra kain yaa ko kain thi jianꞌa bakiakuꞌen nthauꞌa ra. Ko jai jaꞌa ra ujee kuangi ra tencheꞌe ra ko thinga tedixingixin ra ixin thi tetangi ra, jañaa inchin Ndo Dio rinao ndo ko ruchunxin ra kain ixin jeꞌe ndo.

Ko jaꞌa ra xro utekoꞌo ra nchri chriꞌa ra, thjueꞌe ra nchra ko duñaunkuaꞌa ra ngain nchra ko thetukoꞌa ra nchra.

Ko jaꞌa ra xro xan nchinnchinchjan ra dithikaon ra ndudaa ra ko janaa ra kain thi tsetuꞌan ra na̱ ixin jiꞌi thi nchexruxiꞌin Nchaa ná.

Jaꞌa ra xro utekoꞌo ra xixiꞌa ra rugunda sithikaon ra thi tsetuꞌan ra xa ixin jiꞌi thi jikininxin sincheꞌe ra xro udithikaon ra Cristo.