Popular Bible Verses from Colosenses 2

Share

Ko jañaa inchin bithikaon ra Nchaa ná Jesucristo, jañaa kai sincheꞌe ra inchin jeꞌe rinao. Ko inchin binthakuaꞌan ra na̱, icha chunthia ra ngain Jesucristo kain nchaꞌon ko dithikaon ra thi xraguꞌa ra. Ko jañaa icha jian sincheꞌe ra ko kain nchaꞌon thexruxiꞌin ra Ndo Dio.

Tsjeꞌe ra, ixin xruꞌin chujni dithikaonꞌa Cristo sinthayaꞌa ra ixin sincheꞌe ra inchin jeꞌe na̱ texraxaon na̱ ko thi xraxaon na̱ jeꞌa ndua. Ko chujni teꞌi jeꞌo chunthia na̱ ngain thi ncheꞌe chujni nthiꞌi ngataꞌa nunthe.

Are saꞌo jaꞌa ra xraa ndadigeꞌen ra ixin kain thi jianꞌa bancheꞌe ra ko ixin bayeꞌa ra xruꞌe bagayée ni judío. Aro jai Ndo Dio ubinthakjan ra ndo inaa chujni narua ixin Cristo thi binthatjañaa ná kain thi jianꞌa banthoꞌo ná. Ko ley beꞌe are saꞌo ndachro ixin jaꞌan ná tekininxin ná tsji ná ngain xruꞌi dangaꞌa ixin binthoꞌa ná inchin jitaxin ley. Aro Ndo Dio binchexanthe kain mee are Cristo ndabeꞌen nganito ntha cruz.

Kain juachaxin ko kain thi jii ngain Ndo Dio, jii ngain Cristo kai, ko jaꞌa ra utechunda ra kain ixin te ra ngain Cristo. Ko jeꞌe thi thetuꞌen kain espíritu thetuꞌan nthi̱ꞌa̱ ngajni ko nthiꞌi ngataꞌa nunthe.

Tsjeꞌe ra ixin xruꞌin chujni runichja jianꞌa ixin thi jinthe ra ko thi diꞌi ra, o ja̱ nchesayeꞌa ra kiai ncheꞌe chujni judío, o are thexiꞌin kunithjao narua, o thi nchaꞌon nchejugaꞌa ni judío. Aro kain jiꞌi jeꞌo xraa sauen thi rukii, ko jiꞌi Cristo.