Popular Bible Verses from Roma 5

Share

Ŋo Kaisaleŋo yemo siluŋ wet maep zok manerop okanŋon okanmaike, eya wane kine sikan ŋonge, eya yemo ŋene borikine mamaka geŋem, Kristoŋo ŋenane turuŋze maki paki seukke!

Qeli wane dereret gege eyaŋo ŋebuki mi gamu ŋoniyake, onoka wane Kaisale eŋe eŋine wet maepine Asu Koboboine ŋebonge, oŋo qakki kotozo ketwareke, eya yemo Kaisale wane bakom, lewine midaine ŋebonge.

So ŋene yaleka oi bakom okan maine, wikile kine kinezane kotino gemaine, onoka wane ŋene iwa yale detmaine, wikile kine kine yewaŋo togole togole ma leule okanmaike. Togole togoleŋo waraŋkaki, Kaisaleŋo liwe liweko ma togole qe togole ŋebu ŋebu eya sariyake paki, eŋane ma togole qe togole ŋebu ŋebu, yewaŋo yemo qeli wane dereret gege yewa maki wakoniyake.

Kaisaleŋo ŋene mali malip wane ra more, sot midaine koboboine eŋerop gekenane bira ŋongane, ŋene peyamgo Kaisalerop Waom Yesu Kristo wano makatake gemaine. Eŋe mali malipzane raki paki ŋebu more, gege mage wawaine iwa Kaisale wane qom pesek kotino biraŋongane, ŋene ukude Kristorop makatake gemaine, eya wane ŋene oi bakom okanŋem paki, Kaisale wane qeli ewe zonom eya makenane, dereret okane gemaine.

Ŋene zonomze midaine, ge sari mageŋem, Kaisaleŋo naso motke, yewa bomileki, Kristoŋo borikine zane turuŋine seukke.

Eŋane seuseuineŋo ŋene ŋebu more, koboboine iwa Kaisalerop biraŋonge paki, ŋene baŋ oŋo manerop Kaisale wane sot osi osiwo ŋine makok ŋoniyake.

Ŋei wekuŋo aŋa biraki, sot eyaŋo ŋei korop ebuki, borikine mama okanwarekoi. Numa weku yewaka ŋei wekuŋo aŋa tewe tewek okangane, eya wane ra more, ŋei loutne eŋe baŋ koboboine Kaisalerop biraongi gekei.

Ŋo siluŋ yewaka mida, ŋene Waomze Yesu Kristo wane raŋem paki, Kaisale oi bakom okan kaikene, oŋo ŋene ŋebuki, Kaisale wane dokoine okanmaine, eya wane.