Popular Bible Verses from Roma 4

Share

Eŋine mali malipineŋo mi qeliŋkake, so eŋe Kaisale wane biŋek qeqe don olatke, eya wane wet etkeka mi okange, eŋine mali malipineŋo zonom qewatkake, pakiso eŋe Kaisale mawakake. Eŋe Kaisaleŋo biŋek qe more don olatke, eya maine baŋ okaniyake, eya mo detlukkake.

Eya wane Kaisale wane ekapko iwa yale ramaike, “Na kepe baŋem ŋei loutne eŋane magaene geukole.” Eso eya wane biŋek qeqe don, eya yemo Kaisale wane kaitko maine okanmaike, Abrahamŋo eŋe detlukkake, Kaisale oŋo ŋei seuseune eŋe gege ma wakone ebon okanmaike, so eŋane donŋo raki, kine kine mi wakongoi, yewa wakon wareyake.

Eŋe seukeyakane sunka ebonge, onoka wane ŋenane borikinane ra more, so eŋe ma wirikkaki wiye more biraŋongi, Kaisalerop ŋei koboboine gekenane, yale okange.

Abraham eŋe dere qekaki paki, siluŋ eya detlukkake, so eya wane dereret geke, eso eŋe yale okangi paki, “Kepe baŋem ŋei korop eŋane magaene okange.” Kaisale wane ekapŋo don iwa yale ramaike, eya wane rokopko, “Geŋane doko ŋosakopŋone eŋe baŋ iwa serekin magu yale loutne manerop okangei.”

Biŋek qe more don eda edan, eya yemo mali malipŋo pekeine motke, eya wane biŋek qeqe don, eya yemo Kaisale wane bakom lewine midaine Abraham wane doko ŋosakoune korop eŋane biŋek okan waremaike. Ra rokop donka dere tewekmami, ŋei yewa eŋaneka mida, ŋo yemo ŋeiwa diyawa edo Abrahamŋo okange, yale detluk kamami, eŋane weneŋ okanmaike. Abraham yemo eŋe mali malip korop ŋenane magaze okanmaike.

“Wet pese desikei ŋei yewa eŋane borikineenane turuŋine Kaisaleŋo qelige ebonge, eŋane borikineene mataliki siukke! Wet pese desiyake ŋei eya wane borikineine Waomŋo baŋ mi motki payake!”

Eya wane Kaisale wane ekapko yale ramaike, “Abraham eŋe Kaisale detlukkake, so onoka wane mida, mali malipine eya wane raki paki, Kaisale eŋe detkaki, ŋei koboboine okange.”