Popular Bible Verses from Roma 6

Share

Borikinane lewine yemo seuseu makene, ŋo Kaisale wane bakom lewine midaine eya wane wele yemo gege togon maratka more, Kristo Yesu ŋenane Waom, eŋerop tako rakot ge arikene.

Borikineŋo ŋine ŋei waom misuk okan ŋuniyake, ŋine ra rokop don wane bango mi gemami, midaka, ŋine Kaisale wane qom borik eya wane bango gemami.

Ŋene doku tau more, Kristorop weneŋ seukkone, paki Kaisaleŋo eŋerop dukŋonge, eya yemo Magak wane qeli ewe zonomine qelaŋan gorop, yewaŋo Kristo seuseuwo ŋine ma wirikkaki wisikae wiyeke, rokop yaleka ŋene maine gege musele mane gekene.

Me kiye mete solaŋine natne kine kine qotkoinane mi qebinkau borikinane qelit qeyake, eya wane turuŋine yemo ŋine Kaisale wane uratao waket warekei, paki seuseuwo ŋine ma wirik ŋungane, kiye mete solaŋine Kaisale sunkau, kine kine maine koboboine eya wane qelit qeyake.

Ŋene iwa yale detmaine, ŋenane tanik manikze sogine eya mo Kristorop qeki eŋane kibego seukke, eya yemo borikinane zonomŋo rokop ŋonge, eya qe mataliki maine siukeyakane paki, ŋene koso borikinane qelit qeqe manerop mi qekenane yale okanŋonge.

Numa weku yewaka ŋinŋinane yaleka wetkekei, yemo borikinane seukkone, yale okanmaike, ŋo wisika gege yemo Kaisale wane, Kristo Yesurop qeturaŋ nagu gemaine, yale okanmaike.

Pakimo ŋene daleo raikene? Ŋene borikine kotinoka takotke geŋem, Kaisale wane qom borikŋo maine baŋ suwa ariyake? Yale Midakaka! ŋene borikinane seukkone, ŋo daleo ŋene koso eya wane kotino takotke ge arikene?

So ŋine iwa yale mo detkei, ŋine koto so solaŋine qeliŋkau, ŋei mane wane qelit qeqe okaniyake. Ŋo ŋine borikinane qelit qekeiwo, yemo ŋine eya wane weleine seuseu marat-kakei. Yale wane ŋine aŋa tewe tewek okangeiwo, yemo eya wane weleine yemo ŋine ŋei koboboineŋo biraŋunge, ŋine Kaisalerop weneŋ gekei.

Ŋo bakom kito kito yemo Kaisale wane biŋek okaniyake! Onoka wane, ŋo ŋine mo borikinane qelit qeqe okangoi, ŋo siluŋ ŋine koso mo ŋibu zinge Kaisale eŋine don wele eya maratka makoi, eya wane ŋine naso iwao eya dere tewekmami. Ŋine borikino ŋine siwotŋungi, koboboine gege eya wane qelit qeqe okangoi.