Popular Bible Verses from 1 Kirinti 2

Share

Eya wane, Kaisale wane ekapŋo iwa yale ramaike, “Yeye kine kine deŋo mi kakaine, me ketŋo mi dereretne, me ŋei wetene lotkeki mi detkoi, kine kine yewa yemo ŋei korop Kaisale wetŋo qotka lukka more eŋane detpi wele lele okanmaike, ŋei yewa eŋane biŋek ebonge.”

Ŋei mane Asu midaine geyake eŋe Kaisale wane Asu eŋano ŋine bakom sarimaike, eya mane mi mayake. Onoka wane ŋei yaline eŋe don eya wane kine welekatne mi dere qelaŋan kamaike, eya wane, ŋei yewa eŋe detki qelaŋ don wele midaine okaniyake, eya mo, Asurop ŋoka detpi dereretne wele okanmaike.

Ŋo ŋene yemo Kaisale eŋine san qabuinane kine eŋine Asuineŋo ra wakone ŋedange, Asuŋo yeye kine kine korop ka waremaike, so Kaisale wane san qabuinane kine qeirop eya yaleka kamaike.

Ŋene Asu pa ŋebonmaike makone, iwa mo kepeo ŋei eŋano ŋine mi makone, ŋene Kaisale eŋe oŋom eŋine Asuine ŋebongi makone, eya yemo Kaisale eŋe oŋom yeye kine kine korop ma wakone ŋebonge, eya wane kine maine kito ŋedangi detluk-kaikenane ŋebonge, eya wane ŋene Asuze eya ware-kaŋem gegeine weneŋ okane more iwen-ŋongi ŋene wet lot korop okane gekene.

Pakiso na don rakole so Kisi Mayakatne ra qelaŋane ŋidangole, eya na ŋei dereretko ŋine mi ma more ŋidangole, so wet ŋine maingeu paki naŋane don desikei wane, midaka, na Kaisale Asuinane zonom eya ra wakone sikan ŋungole. Eya wane ŋinane wetŋo ŋei dereretko misuk motpi payake, midakaka! Kaisale wane zonomgo motpi payake.