Popular Bible Verses from 1 Kirinti 1

Share

Kaisaleŋo masi iwa ma wakonge iwa yemo kepe ŋei eŋe “Qelaŋine” Rau mo don yewaŋo ŋei dereret korop, eŋe gamu oniyake eya wane, so Kaisaleŋo ŋei ŋerep set pelek so gamuenerop ma wakon onge, iwa yemo kepe ŋei eŋe “set pelek” rau mo don yewaŋo ŋei zonomene kakapa eŋe zonomene ma ketki gamu oniyake.

Kristo kibego seukke, eya wane don kisi yemo ŋeiwa Kristo mi malipka more ket-lukke siuke gemami, edo detpi qelaŋine okan okanmaike. Ŋo Kaisaleŋo ŋebu menaŋ ŋonge ŋene yemo detmaine, eya mo Kaisale wane zonom.

Welekatne, Kaisale wane qelaŋ rau, qelaŋine eyaŋo qeinge more ŋei dereretene yuwan kamaike. So Kaisale wane set pelek rau, set pelekine eyaŋo qeinge zonomine togogole okane ŋei eŋane zonom yuwan kamaike.

Kaisale wet pesekinane detluk kaikene, oŋo ŋidora newan ŋunge, yemo eŋine Gipole Yesu Kristo, ŋenane Waom, eŋerop wet weku qeturage gekei wane.

Kimakopne, na Waomze Yesu Kristo wane eŋetko wet qelot don ŋidanmaile, eya wane ŋine korop wet weku okane don raikei, yale okanbi keu ŋino wiri wiri mi wakoniyake. Ŋine korop qeturageu dereret ŋine wekuka payake, so wet weku okanikei.

Ŋo ŋei dereretene suwaine eŋe diyao arikei? Ŋei kepe wane dereretene suwaine gemami, wetene lolotne, so Kaisale wane kine detlukmami, eŋe diyao arikei? Me kepe iwa wane ŋei sorin borin gorop gemami, eŋe diyao arikei? Kaisaleŋo sikanŋonmaike yemo kepe iwa wane ŋei eŋane dereret qelaŋine, eya mo wele midaine.