Popular Bible Verses from 1 Kirinti 3

Share

Welekatne, ŋine Kaisale wane Bakom Urum, eya wane Kaisale wane Asuŋo eŋe mo ŋinane koto ŋino gemaike, eya ŋine mo detmami!

Kaisaleŋo simen bosiŋ weku Yesu Kristo, mo bira kaki ketke okoramaike, eya lokake bira more ŋei maneŋo koso bosiŋ pelekine mane musele biraki ket ket eya mo mi pamaike.

Eya wane waet ebotke eŋane, me ŋara wele ware more doku qakkake, eŋane mi raikene. Mosop kaki wele wakonmaike Kaisale weku eŋaneka raikene.

Ŋere urata mama ŋeiŋo Kaisale wane urata qeturage mamaite. Eso ŋine yemo Kaisale wane eu, so ŋine Kaisale wane mat, mo oŋom ma wakonŋunge.

Yemo ŋei mat mama eŋane kine baŋ ŋado Kristo wane Kaiwe Naso bomileki, kineze yewao didiwo wakongi kaikene. Kaiwe Naso yewa wane gerepŋo lawe more ŋei urata mama enane kine qe wakoniyake. Gerep yewaŋo baŋ urata eya liwekkaki paki eya wane weleine maine me mida yewa sikan ŋongi kaikene.

Waet ebotmaike, ŋei yewa so ŋara wele ware more doku qak kamaike, ŋei yewa ere kine etne wekuka. Kaisaleŋo baŋ urata mama etnane rokopko lewine bonep bonep mapoke eponiyake.

Ŋei mane oŋomka misuk isi naguyake, ŋei mane ŋinane keuwo ŋine eŋe kepe iwa wane tanik manik eya mogare geyake paki wetineŋo, “Na ŋei dereretne weneŋ,” yale wetkeyakeo, eŋe mikepka dereret eya qelige more ŋei qelaŋ okaniyake, yale okane more dereret wele marat kayake.