Popular Bible Verses from پولُسئے کاگد په رومیان 5

Share

بله هُدا مئے سرا وتی مِهرا چُش زاهرَ کنت که هما وهدا مَسیه په مئیگی مُرت که ما اَنگت گُنهکار اَتێن.

و اُمێت مارا دلپرۆش بئیگا نئیلیت، چێا که هُدایا وتی مِهر مئے دلا مان کرتگ، چه هما پاکێن روهئے برکتا که مارا بَکشگ بوتگ.

تهنا اِشیئے سرا نه، وتی سکّیانی سرا هم پهرَ بندێن، چێا که زانێن سکّی و سۆری سبر و اۆپارَ کارنت، و سبر و اۆپار کردارا مُهر و مُهکمَ کنت و مُهرێن کردار اُمێت ودیَ کنت،

نون که ایمانئے سئوَبا راستاور و بێمئیار هساب بوتگێن، چه مئے هُداوندێن ایسّا مَسیهئے راها مئیگ و هُدائے نیاما سُهل و وشّانی آرَگ بوتگ. چه ایسّا مَسیهئے راها، اے رهمتئے دروازگ په ما پَچ کنگ بوتگ و نون ایمانئے سئوَبا رهمتانی ساهگا اۆشتاتگێن. وتی اے اُمێتئے سرا پَهر هم بندێن که هُدائے شان و شئوکتا بَهرَمند اێن.

آ وهدا که ما اَنگت بێوَس اَتێن، په وهد مَسیها وتی ساه په ما دات، په رَدکار و هُداناپرمانان.

پمێشکا، نون که چه مَسیهئے هۆنئے برکتا راستاوَر هساب بوتگێن، ما سکّ باز دلجمتر اێن که آییئے وسیلها چه هُدائے کَهر و گَزبا رَکّێن.

هما پئیما که چه یکّێئے ناپرمانیا سجّهێن مردم گُنهکار بوتنت، چه یکّێئے پَرمانبرداریا بازێنے راستاوَر کنگَ بیت.

بله تهنا اینچُک نه، ما چه وتی هُداوندێن ایسّا مَسیهئے برکتا هُدائے سرا پَهر هم بندێن، که نون مَسیها مارا گۆن هُدایا وشّان کناێنتگ.