Popular Bible Verses from پولُسئے کاگد په رومیان 4

Share

هُدائے وادهئے سرا اِبراهێم ناباور نبوت و شَکّی نکرت، آ وتی ایمانئے سرا مُهر اۆشتات و هُدائے ستا و سناای کرت. دلجم اَت که هُدایا اے واک و توان هست که وتی وادَها پوره بکنت.

اَنچُش که نِبیسگ بوتگ: ”من ترا بازێن کئومێئے پت کرتگ.“ گڑا، هُدائے چمّان اِبراهێم مئے پت اِنت، هما اِبراهێم که هُدائے سرا باوَری هست‌اَت که هُدا مُردگان زِندگَ کنت و هما چیزّ که نێست‌اَنت، آیان گْوانکَ جنت و هستَ کنت.

ایسّا په مئے ناپرمانیان مَرکئے دستا دئیگ بوت و په مئے راستاور بئیگا، چه مُردگان زندگ کنگ بوت.

وهدے هچّ اُمێتے نێست‌اَت، اِبراهێما گۆن اُمێتواری باور کرت که بازێن کئومێئے پِتَ بان. اَنچُش که هُدایا گۆن اِبراهێما گوَشتگ‌اَت: ”تئیی نَسل و پدرێچ اِستارانی کِساسا بازَ بنت.“

پمێشکا، واده چه ایمانئے راها پورهَ بیت، تانکه وادهئے بُنیاد رهمت ببیت و آییئے پورَه بئیگئے زمانت اِبراهێمئے سجّهێن نَسل و پَدرێچا دئیگ ببیت. اے واده تهنا په شَریَتئے رَندگیرانَ نبیت، په آیان هم بیت که اِبراهێمئے ایمانا شریکدار اَنت، پرچا که اِبراهێم مئے سجّهێنانی پت اِنت.

”بَهتاور اَنت هما که آیانی ناشَری بکشگ و گناه شۆدگ بوتگ‌اَنت. بَهتاور اِنت هما که هُداوند آییئے گناها هچبر هسابا نئیاریت.“

پاکێن کتاب چے گوَشیت؟ اِبراهێما هُدائے سرا یَکین اَت و همے یکین په آییا راستاوری هساب بوت.