Popular Bible Verses from پولُسئے کاگد په رومیان 6

Share

پرچا که گناهئے مُزّ مَرک اِنت، بله چه مئے هُداوندێن ایسّا مَسیهئے برکتا هُدائے داد و بَکشِش اَبدمانێن زِند اِنت.

باید اِنت گناه شمئے سرا هاکمی مکنت، پرچا که شما شَریَتئے ساهگا نه‌اێت، رهمتئے ساهگا اێت.

پمێشکا، ما پاکشۆدیئے وهدا مُرتێن و گۆن آییا کَبر کنگ بوتێن، تانکه هما پئیما که مَسیه، هُداێن پِتئے شان و شئوکتئے برکتا چه مُردگان زندگ کنگ بوت، همے ڈئولا ما هم نۆکێن زندے بگوازێنێن.

وتی بدنئے آزایان گناهئے دستا مدئیێت تانکه بدکاریئے ائوزار مبنت. شما چه مَرکا دێم په زِندا آرگ بوتگێت، نون وتا هُدائے باهۆٹ بکنێت و وتی بدنئے آزایان هم هُدائے دستا بدئیێت تانکه راستکاریئے ائوزار ببنت.

ما زانێن که مئے کوَهنێن زِند گۆن آییا سَلیبئے سرا دْرنجگ بوت تانکه هما بدن نێست و نابود ببیت که گناهئے گُلام اِنت و ما چه اِد و رند گناهئے گُلامیا مکنێن.

همے ڈئولا، شما هم وتا په گناه کنگا مُردگ بزانێت و چه ایسّا مَسیهئے برکتا وتا په هُدایا زِندگ بزانێت.

گڑا چے بگوَشێن؟ گناه کنان ببێن که رهمت گێش ببیت؟ هچبر! ما که چه گناها وتی بند سِستگ، اَنگت گناهانی تها چۆن زند گوازێنتَ کنێن؟

وهدے شما پَرمانبردارێن گُلامانی پئیما وتا یکّێئے دستا دئیێت، گڑا هماییئے گُلامَ بێت که آییئے پرمانبرداریا کنێت. اے هبرا نزانێت؟ یا گناهئے گُلامَ بێت که دێم په مَرکا بارت یا پَرمانبرداریئے ”گُلام“ که دێم په راستاوری و بێمئیاریا بارت.

بله هُدائے شُگر اِنت، هرچُنت که پێسرا گناهئے گُلام اتێت، نون شما په دل هما تَهرئے تالیمئے پَرمانبرداری کرتگ که شمارا دئیگ بوتگ. شما چه گناها آزات کنگ بوتگێت و نون راستاوریئے ”گُلام“ اێت.