Popular Bible Verses from Yos 6

Share

AMBUJE* ŵatite kwa Yoswa, “Ngupeleka m'myala mwenu msinda wa Yeliko, ni mwenye jwakwe ni acalume ŵakwe ŵa ngondo.

Kaneka tagombe maloŵe gamo ndaŵi jelewu. Pitimcigamba kugapikanapo, ŵandu wosope tagumile yakulimba, nipo lipupa lya msinda tilicigwa. Myoyo ŵandu wosope tacijawula kukwinjila mu msindamo.”

M'mwejo ni asilikali ŵenu mjendeje kuwusyungulila msindawo kamo lisiku lililyose kwa masiku msano ni limo.

Ŵakutaga mbopesi msano ni ŵaŵili, jwalijose ali anyakwile lipenga, tajawule pasogolo pa Libokosi lya Cilanga. Pa lisiku lya msano ni gaŵiligo m'mwejo ni asilikali ŵenu timjendeje kuwusyungulila msindawo kakwanila kasano ni kaŵili aku ŵakutaga mbopesi ŵala ali mkugomba malipenga gala.

Acalume ŵa mu Yeliko ŵawugele yipata ya msinda ni kulondelaga kwamti Aisalaeli ngimkinajinjila kose. Pangali jwalijose jwakajinjile kapena kukopoka mu msindawo.

Ndaŵi jiŵasyungulile kamsano ni kaŵili, ali asigele panandi ŵakutaga mbopesi kuti agombe malipenga, Yoswa ŵalamwile ŵandu ŵala kuti agumile, nipo ŵatite, “AMBUJE ampele jemanja msinda!

Msinda ni yosope yene yili mwelemo ŵandu ni yinyama yakwe yikuŵajilwa konasika mpela mbopesi ja kwa AMBUJE. Nambo Lahabu jwa cigwagwa pamo ni liŵasa lyakwe takulupusidwe, ligongo jwalakwe ŵasisile ŵandu ŵetu ŵakusonda.