Popular Bible Verses from Abakolosai 1

Share

Niwe yaatwihire omu butegyeki bw'omwirima, akatutaasya omu bukama bw'Omwana we ou akunda

ahakuba omuri Ogwo nimwo ebintu byona byahangiirwe, eby'omu iguru n'eby'ahansi, ebirikureebwa n'ebitarikureebwa, yaaba bitebe by'obugabe, nari obukama, nari obutegyeki, nari obushoboorozi byona niwe yaabihangire, kandi byahangwa kuba ebye.

Niwe yaabandiize ebintu byona, kandi omuriwe byona nimwo biteeranira.

Yesu ogwo niwe kishushani kya Ruhanga otarikureebwa, omujigaijo omu byahangirwe byona

N'ahabw'ekyo naitwe, okuruga aha kiro eki twakihuririireho, titukarekaga kubashabira, nitweshengyereza ngu mwijuzibwe okumanya ebi akunda omu bwengye bwona obw'omwoyo n'okwetegyereza, mugyende nk'oku aba Mukama bashemereire, nimumushemeza omuri byona, nimwana ebyana omu mirimo yoona emirungi, kandi nimweyongyera omu kumanya Ruhanga.