Mumwesige ye mu biro byonna, mmwe abantu;
Mumwanjulirenga byonna ebiri mu mutima gwammwe;
Katonda kye kiddukiro gyetuli. (Seera)

Emmeeme yange, lindiriranga Katonda yekka;
Kubanga oyo okusuubira kwange mwe kuva.

Ye yekka lye jjinja lyange era bwe bulokozi bwange;
Oyo kye kigo kyange ekiwanvu, sirisagaasagana.

Emmeeme yange erindirira Katonda yekka;
Oyo obulokozi bwange mwe buva.

Ye yekka lye jjinja lyange era bwe bulokozi bwange;
Kye kigo kyange ekiwanvu;
sirisagaasagana nakatono.

Awali Katonda we wali obulokozi bwange n'ekitiibwa kyange;
Ejjinja ery'amaanyi gange n'ekiddukiro kyange biri mu Katonda.

Popular Bible Verses from Zabbuli 62

Free Reading Plans and Devotionals related to Zabbuli 62