Popular Bible Verses from Zabbuli 63

Share

Ayi Katonda, ggwe oli Katonda wange; nnaakeeranga okukunoonya: Emmeeme yange erumwa ennyonta ku lulwo, omubiri gwange gwegomba ggwe, Mu nsi enkalu ekooyesa, omutali mazzi.

Kubanga okwagala kwo okutuukiridde kusinga obulamu; Emimwa gyange ginaakutenderezanga.

Bwe ntyo bwe nnaakwebazanga nga nkyali mulamu; Nnaayimusanga emikono gyange ne nkoowoolanga erinnya lyo.

Bwe ntyo bwe nnakutunuuliranga mu kifo ekitukuvu, Ndabe obuyinza bwo n'ekitiibwa kyo.

Kubanga wabeeranga mubeezi wange, Era mu kisiikirize eky'ebiwaawaatiro byo mwe nnaasanyukiranga. Emmeeme yange ekunywereddeko okukugoberera; Omukono gwo ogwa ddyo gwe gumpanirira.

Nnaakujjuukiriranga ku kitanda kyange, Nnaakulowoozangako mu bisisimuka eby'ekiro.