Popular Bible Verses from Matayo 24

Share

Era kubanga obujeemu buliyinga obungi, okwagala kw'abasinga obungi kuliwola. Naye agumiikiriza okutuuka ku nkomerero, ye alirokolebwa.

n'Enjiri eno ey'obwakabaka eribuulirwa mu nsi zonna, okuba obujulirwa mu mawanga gonna; awo enkomerero n'eryoka etuuka.”

Muliwulira entalo n'ettutumu ly'entalo; mulabe temweraliikiriranga; kubanga tebirirema kubaawo; naye enkomerero ng'ekyali.

Kubanga eggwanga liritabaala eggwanga ne kabaka alitabaala kabaka, walibaawo enjala n'ebikankano mu bifo ebitali bimu. Naye ebyo byonna okubaawo ye ntandikwa y'okulumwa ng'okw'omukazi agenda okuzaala.

Eggulu n'ensi biriggwaawo, naye ebigambo byange tebiriggweerawo ddala.

Kubanga bangi abalijja mu linnya lyange, nga bagamba nti, ‘Nze Kristo;’ balikyamya bangi.

Mmwe balibakwata ne babawaayo mubonyebonyezebwe, balibatta; nammwe mulikyayibwa amawanga gonna okubalanga erinnya lyange. Mu biro ebyo bangi abalyesittala, baliwaŋŋanayo, balikyawagana. Ne bannabbi bangi ab'obulimba balijja, balikyamya bangi.

Yesu n'abaddamu nti, “Mulabe omuntu yenna tabakyamyanga.

Mukale nammwe mweteeketeeke; kubanga Omwana w'omuntu alijjira mu kiseera kye mutamusuubiriramu.

Kale mutunule; kubanga temumanyi lunaku bwe luli Mukama wammwe lw'alijjirako.

Naye eby'olunaku luli n'ekiseera, tewali abimanyi, newakubadde bamalayika ab'omu ggulu, newakubadde Omwana, wabula Kitange yekka.

Kubanga walijja bakristo ab'obulimba, ne bannabbi ab'obulimba, n'abo balikola obubonero obukulu n'eby'amagero; n'okukyamya bakyamye n'abalonde, oba nga kiyinzika.

Naye nga bwe kyali mu nnaku za Nuuwa, bwe kityo bwe kiriba mu kujja kw'Omwana w'omuntu. Kuba nga bwe baali ku nnaku ezo ezaasooka nga amataba tegannabaawo, baali nga balya nga banywa, nga bawasa era nga bawayiza, okutuuka ku lunaku Nuuwa lwe yayingira mu lyato, ne batamanya okutuusa amataba lwe gajja, ne gabasaanyaawo bonna; bwe kutyo bwe kuliba okujja kw'Omwana w'omuntu.