Popular Bible Verses from Isaaya 45

Share

era ndikuwa obugagga obw'omu kizikiza n'ebintu ebyakwekebwa ebiri mu bifo eby'ekyama, olyoke omanye nga nze Mukama Katonda wa Isiraeri, akuyita erinnya lyo.

ndikukulembera ne ntereeza ebifo ebitali bisende; ndimenyaamenya enzigi ez'ebikomo ne ntemaatema ebisiba eby'ebyuma

Nze Mukama so tewali mulala; tewali Katonda wabula nze; ndikusiba olukoba, newakubadde nga tommanyanga, balyoke bamanye okuva ebuvanjuba n'okuva ebugwanjuba nga tewali wabula nze; nze Mukama so tewali mulala.

Nze nnassaawo omusana era ntonda ekizikiza; ndeeta emirembe era ntonda obubi; nze Mukama akola ebyo byonna.

Mutunuulire nze, mulokoke, mmwe enkomerero zonna ez'ensi: kubanga nze Katonda so tewali mulala.

Bw'atyo Mukama bw'agamba oyo gwe yafukako amafuta, Kuulo, gwe nkutte ku mukono gwe ogwa ddyo, okujeemula amawanga mu maaso ge, era ndisumulula ebiwato bya bakabaka; okuggulawo enzigi mu maaso ge ne ziwankaaki teziriggalwawo

Neerayidde mwene, ekigambo kivudde mu kamwa kange mu butuukirivu so tekirikomawo, nga nze buli vviivi lirinfukaamirira, buli lulimi lulirayira nze.

Ku lwa Yakobo omuweereza wange ne ku lwa Isiraeri omulonde wange; kyenvudde nkuyita erinnya lyo, nkutuumye erinnya newakubadde nga tommanyanga.