Popular Bible Verses from Efɛsea 4

Share

La va vanaa kɛndɛa, mì la kaolian vellaa-velle. La malnan lahaki maa mɛɛ Hala mal niaa haki o Krista nin yɛ.

La tuisin o dɛnndan kpow nin mì la va vanaa súú kɛndɛa, mì la biwnun. La biwnan vellaa-velle o kaolaa nin.

Sɔɔn vɔɔnndon bɛnda mì n va niaa fulaa o lasondo le. Sɔɔn kɛndɔn kínɛí n fula niaa o lasondo ni, n nɛŋi mako-on, n luei caanda yoomuan-ndon, haliko mi vanaa co niaa nilan yaŋɔɔa sɔla dɛnɛ kɛndɔɔ lenin.

Niaa kpow, la mal nɛyɔnndo, mì la mal kɔltuwvo, kɔlfulaa, deŋio, yeowlan a dɛnɛ kɔlvesɛi súú oo súù.

Te la tuulu pɛ kɔl, la caa taw yɔŋii niaa cua hakio. La lo a kɔl tambɛiyo háá mì paalen le del te. La yɔ̀ngù masa ɲinaa vɔɔnda fondaa le.

Lelan, mɛɛ mì la mal niinu niaa paandoo, mì la kɛɛ vanacieeyɛi niɛi paanduei. I yiyannda ndɔlan la hui vana, mì la luei vana o tambei nin-nde. Mɛɛ mì la mingi kɔlta niaalan a yiyannda niaalan lasɛnɛi. La cua vanacieeyɛi sɛnɛiye, i cɔwnun a velan Hala-o-e, i cɔmnun o dɛnɛ sandaa nin a o diondɔɔ nin maa mɛɛ toɲaa co yɛ-e.

La kindin o nɛi oo nɛi coo mì la manda diom pilɛ Kɔl-Diandaa yɔnguo mɛɛ niaa sɔla veeloo o kɔlɲulu pilɔɔ nin yɛ.

Ndu yɔ̀ngù vannda valta yɛ́-yɛ́lan ni: ó siinguu vanaa pum kiilaa, mó siinguu a pum vanaa-tɛɛngaa-diom Hala-a. A pum vanaa yondaa-diom Hala-a, a pum vanaa mandaa n'saa, a pum vanaa pɛɛkaa. Ó tosa kon haliko mi vanaa diandaa tiwba baala Hala-o tosaa le dialun Krista-on hivio laci. Te o va yɛ pɛ lende, mɛɛ naa kpow n vanin diom pilɛ o laalanndo nin a o Po Hala-o sinaa nin. N siŋnunnin kaasonnda, o kon mì n tiiya mɛɛ Krista co o tiivɔn ndɔɔ nin yɛ.

O kon, n ve lɛnin n'cuaambɔ le, a hoeyii vɔɔŋii pɛɛkula súú-súù ka i yindu, mì i hiŋ nda hɔlla-e a. I vanaa pum kei vannda pala a kɔlkalula vɔɔnndan, mà luei nda o pɔwlan nin-nda. Kɛ te n dimi pɛ toɲaa o kaolaa nin, n hindunin o dɛnndan nin kpow le vaa maa Krista, o co naa bollen-ndo.