I co ndu piɛi, mò luei niaa yoomuan a kpaaya Kɔl-Diandaa ndɔɔ mɛɛ tɔnɔ biilu ndɔɔ co yɛ, haliko mi Krista cal niaa o lakɔl o laalanndo nin. I co vɛlɛ ndu piɛi mì la luei puundon, mì la sim yili o kaolaa nin, o kon mì niaa vanaa diandaa kpow tiwba bilaa biyɔɔ mɛɛ kaola Krista-o pɛngɛlan yɛ, mɛɛ o bandu yɛ, mɛɛ o hel-lɛ a mɛɛ o yingila yɛ. O kon, o va bɛɛ maa kaola ndɔ kon hiow dɛnɛ sinaa kpow, kɛ mì la sínà ndu, haliko mi la va a piaa cá a bolofaa Hala-o.