Popular Bible Verses from Efɛsea 5

Share

Le tùú niaa co cuavaa Hala kaola-a-o, la kindin mì la tuula ndu o niinu niaa nin. Mì la va kelaa o kaolaa nin maa mɛɛ Krista kaola naa, mí ndu pila yɔngu yoomu ndɔɔ le naa, mó siŋnun sálà cun kɛndɔɔ a sálà hɛnan Hala-o yɛ.

Lelan, la caa taw a niinu niaa. La va lɛ maa n'diɔm te, kɛ la va vanaa kɔlkalua. Telen oo telen niaa sɔla pɛ dɛnɛ pum le tosaa, la tosà, kani palɛi naa n co hee nin-nde i niŋ te.

La hiaw ba a mɔiyan kolɔɔ le, kani o laasianndo nin kon luei vana ni, kɛ la va a piaa a Hala Kɔl-Diandaa. La lueinan yoomuan vellaa-velle a condun lisan, condun kɔllon a á condun vana sangala Mɛlɛka-on, n co fulaa Kɔl-Diandaa o ba-on. La solùl Mɛlɛka condun kɔllon, mì la sangala ndu a kɔlta niaalan kpow. La va Hala Fuɲaa balikaa mello lɔ́ɔ́-lɔ́ɔ̀ o dɛnndan kpow nin o diola Maalii naa Yeesu Krista lan.

Lelan, la va n'diɔm te, la sínà ɲɛ co hɛnan Mɛlɛka-o o.

Niaa vanpiaandua, la kaola laandaa niaa mɛɛ Krista kaola kunda vanaa laalannda háá mì ndu pila yɔngu yoomu ndɔɔ le ndu yɛ.

Ɲumndan niaa va paandu ni, kɛ sunsun, ɲɛ-tengaa niaa co o Maalii nin ni. La va niinoo maa vanaa co o ɲɛ-tengaa nin-nda

La biinan diomndan vellaa-velle le bɛɛle niaa co Krista keo len.

Niaa vanlaandua, la tuisin a piaandaa niaa maa mɛɛ niaa tuisin a Maalii yɛ.

Kɛ le niaa sɔɛi he i co vɛlɛ ni. Mɛɛ mì vana-vana kaola laa ndɔ maa ndu pila, mì vana-vana ke pɔnɔ ndɔ bɛɛlen.

Maa mɛɛ o co o sɛvaa yɛ aa: «Lelan, vanapɔnɔɔ faŋannin fuɲa ndɔ nda kala ndɔ, mò yiinun nda laa ndɔ, mà siŋnun falei ndii pilɛ kpé.»

La vow balan o dɛnnda fondola vannda co tosaa o ɲumndan nin-ndan nin te, la cɔɔmuu lan ceen kpendekele.