Popular Bible Verses from PALŌVEPI 3

Share

Falala ki he ‘Eiki ‘aki ‘a e kotoa ‘o ho loto, ‘O ‘oua ‘e faaki ki ho poto ‘o‘ou: Ke ke fakaongo kiate ia ‘i ho hala kotoa pē, Pea ‘e fakatonutonu ‘e ia ho ngaahi ‘alunga.

‘Oua te ke lau ‘e koe ‘oku ke poto: Ke ke ‘apasia kia Sihova, pea afe mei he kovi

Fai ha faka‘apa‘apa ki he ‘Eiki ‘aki ho‘o koloa, Mo e me‘a mei he polopolo ‘o ho fua kotoa pē: Ko ia ‘e fonu ai ho ngaahi feleoko ‘i he mahu, Pea ‘e puna ‘a e uaine fo‘ou mei ho tata‘o‘anga.

Ke ‘oua ‘e mahu‘i meiate koe ‘a e anga‘ofa mo e fai mo‘oni: Ha‘i kinaua ki ho kia; Tohi kinaua ki he tohi‘anga ‘o ho loto

Tama, ‘oua te ke va‘inga‘aki ho ako ‘oku fai ‘e he ‘Eiki; Pea ‘oua te ke kina ‘i ho tautea ‘e ia: He ko ia ‘oku ‘ofa ki ai ‘a e ‘Eiki ‘a ia ‘oku ne kinisi; ‘Io, hangē ko e fai ‘e ha tamai ki hono foha pele.

TAMA, ‘oua ‘e ngalo ‘eku akonaki; Kae tauhi ‘e ho loto ‘eku ngaahi tu‘utu‘uni; He ‘e fakalahi ai ki he me‘a ‘oku ke ma‘u ‘Aki ‘a e nofo fuoloa, mo e ngaahi ta‘u mo‘ui, mo e tu‘umālie.

Monū‘ia ā ka ko e tangata kuo ne ‘ilo ‘a poto, Mo e tangata kuo ne ma‘u mai ‘a e mafai-ke-‘ilo; He ‘oku lelei ange ‘a e ‘alu holo hono fakatau ‘i he siliva, Pea ko e fua ‘oku te ma‘u ai, ‘i he koula mo‘onia. ‘Oku ne mahu‘inga ange ‘i he makakula koloa; Pea neongo pe ko e hā ho manako ‘e ‘ikai ala fakatatau ki ai.

‘Oua te ke ta‘ofi ha lelei meiate kinautolu ‘oku ‘onautolu ia, ‘Osi, ‘oku mafai ‘e ho nima ke fai.

Ko poto na‘e langa ai ‘e Sihova ‘a e fonua; Na‘a ne fokotu‘u ‘a e langi ‘aki ‘a e mafai-ke-sivi.